Hetuesit e ngjarjes së ndodhur në stacionin e karburantit “EIDA” në zonën e Brrylit në Tiranë nuk kanë ende nj&...
AKTUALITET
Zhduket në Malin e Krujës turisti nga Zelanda e Re, familja kërkon ndihmën e shqiptarëve
PiranjatPërditësimi i fundit 10 Janar 2026, 13:16
Daniel, një turist nga Zelanda e Re, rezulton se ka humbur kontaktet me familjen prej më shumë se dy ditësh në malin Gamti të Krujës. Ai ka ardhur për të vizituar Shqipërinë dhe bukuritë natyrore të vendit tonë, por prej 48 orësh është zhdukur.
Vëllai i tij Christopher Hughes, ka publikuar një fotografi të Daniel dhe kërkon ndihmën e shqiptarëve, nëse mund ta kenë parë apo dinë diçka për të riun, raporton newsbomb.al.
"Vëllai im Daniel është zhdukur jashtë shtetit. Ai është shtetas i Zelandës së Re. Vendndodhja e fundit e njohur: Mali Gamti, Shqipëri më shumë se 48 orë më parë", thuhet në mesazhin e publikuar në një llogari në "Facebook", e cila ndan informacione për turistët në Shqipëri.
Mali i Gamtit (1268m) ndodhet në mes të malit të Krujës dhe malit të Brarit (maja e Priskës së Vogël).
Vitet e fundit ngjitja në këtë mal është kthyer në një itinerar mjaft tërheqës ku mund të shfrytëzohet ecja alpine dhe ngjitja mbi Gamt, në livadhet karakteristike me një panoramë të shkëlqyer nga të gjitha drejtimet.
Si itinerar ndiqet rruga deri tek liqeni i Bovillës dhe nga aty fillohet ecja, e cila në total shkon rreth 5 orë ngjitje-zbritje.
