Artikull i publikuar nga “Follow the Money”, përkthyer nga origjinali.
Dhëndri i Trumpit, Jared Kushner, po zhvillon një resort ek...
BOTA
Sulm kibernetik ndaj ligjvënësve gjermanë, Berlini ngre akuza ndaj Moskës
PiranjatPërditësimi i fundit 26 Prill 2026, 14:37
Shërbimet gjermane dhe disa agjenci të huaja të sigurisë kanë paralajmëruar për një fushatë të re sulmesh phishing që synon ligjvënësit dhe zyrtarët e lartë të qeverisë përmes aplikacionit të mesazheve Signal.
Sipas autoriteteve gjermane, pas këtyre sulmeve dyshohet se qëndron Rusia, e cila konsiderohet si një “aktor shtetëror” në hapësirën kibernetike.
Mesazhet mashtruese u dërgohen viktimave duke u paraqitur si njoftime nga vetë Signal, ku kërkohet futja e një PIN-i, hapja e një linku ose skanimi i një kodi QR.
Nëse përdoruesit bien pre e mashtrimit, hakerat mund të marrin kontroll mbi mesazhet, bisedat, fotot dhe skedarët personalë.
Raportohet se rreth 300 llogari të lidhura me figura politike mund të jenë komprometuar, ndërsa në shënjestër janë vënë edhe diplomatë, ushtarakë, nëpunës civilë dhe gazetarë.
Rasti ka ndezur debat në Bundestag mbi sigurinë e komunikimeve zyrtare dhe përdorimin e Signal nga deputetët. Disa përfaqësues kanë ngritur shqetësimin nëse komunikimet e tyre janë ende të sigurta, ndërsa po shqyrtohen masa shtesë për përdorimin e aplikacionit në pajisjet shtetërore.
Gjermania, e cila është ndër mbështetëset kryesore ushtarake të Ukrainës, ka qenë shpesh objekt i sulmeve kibernetike dhe aktiviteteve të dyshuara të spiunazhit që prej fillimit të luftës në Ukrainë në vitin 2022. Rusia ka mohuar vazhdimisht çdo përfshirje në këto veprime.
