Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
BOTA
A do të jetë Von der Leyen e pranishme në inaugurimin e Trump? Zëdhënësja e KE: Nuk ka marrë ftesë, do kontaktojmë me administratën e re të SHBA-së
r.llPërditësimi i fundit 10 Janar 2025, 21:11
ursula von der leyen
BRUKSEL- Presidentja e Komisionit Evropian, Ursula von der Leyen, nuk ka marrë një ftesë për të marrë pjesë në inaugurimin e Presidentit të zgjedhur Donald Trump më 20 janar në Uashington.
"Ne nuk kemi marrë një ftesë dhe nuk ka asnjë plan që ajo të marrë pjesë," tha zëdhënësja e KE, Paula Pinho kur u pyet gjatë konferencës ditore për shtyp të Komisionit. Megjithatë, ajo shtoi: “Po mundohemi të kontaktojmë sa më shpejt me administratën e re të SHBA-së, dhe para 20 janarit."
Presidentja e Komisionit, e cila është shtruar në spital me pneumoni të rëndë, njoftoi një javë më parë se do të anulonte të gjitha angazhimet e saj jashtë vendit deri në mes të janarit.
Sipas traditës, në ceremoninë e inaugurimit të presidentëve amerikanë nuk ftohet asnjë kryetar shteti apo qeverie e huaj. Megjithatë, Donald Trump vendosi të veprojë ndryshe duke ftuar disa liderë të huaj, përfshirë presidentin kinez Xi Jinping, i cili e refuzoi ftesën. Në vend të kësaj, kryeministrat e Italisë dhe Hungarisë, Giorgia Meloni dhe Viktor Orban, pritet të udhëtojnë në kryeqytetin amerikan më 20 janar.
