Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
A do të shkojë në burg nëse dënohet? Analiza e BBC: Cilët janë skenarët për fatin e Donald Trump pas përfundimit të gjyqit?
r.llPërditësimi i fundit 27 Maj 2024, 21:24
donald trump
SHBA- Ndërsa gjyqit të Donald Trump po i afrohet fundit, pyetja kryesore që ngrihet është se çfarë do të ndodhë nëse Departamenti i Drejtësisë e shpall atë fajtor për falsifikimin e të dhënave të korporatave për të mbuluar paratë që ai dha për të blerë heshtjen e Stormy Daniels. Mbrojtja dhe padia civile do të nisë ditën e nesërme, ndonëse ende nuk ka datë për shpalljen e vendimit të jurisë.
Nuk do të jetë dënimi i parë i Trump, por duke qenë se është një procedim penal, interesi është i ndryshëm. Aq më tepër që pas disa muajsh nga sot ai mund të fitojë një mandat tjetër në Shtëpinë e Bardhë dhe tani si president do të ketë mundësi të tjera. Nëse gjykata e shpall fajtor, ai do të jetë ish-presidenti i parë që dënohet dhe po ashtu kandidati i parë për president që do të dënohet. Siç thekson BBC, mundësia që Trump të dënohet qoftë edhe për një nga 34 akuzat ndaj tij në këtë gjyq, është reale.
Çfarë do të ndodhë nëse ai shpallet fajtor dhe dënohet?
Edhe nëse Trump dënohet, ai do të largohet normalisht nga gjykata deri në shpalljen e dënimeve në një seancë tjetër gjyqësore. Gjykatësi do të duhet të marrë në konsideratë një sërë faktorësh si: mosha e Trump, e cila është 77 vjeç; ai nuk ka dënime të mëparshme (penale); ai është një ish-kandidat presidencial (ose president i ardhshëm) dhe se ka shkelur urdhrat e gjykatës për të mos komentuar në gjyq. Dënimet mund të variojnë nga një gjobë ose një dënim me kusht, deri në burgim .
Trump më pas mund të përgjigjet me një ankimim, një proces që do të kërkonte shumë muaj për të përfunduar. Ekipi ligjor i Trump mund ta bazojë apelimin e tij në prova të pamjaftueshme nga dëshmia e Stormy Daniels. Derisa çështja të mbyllet përfundimisht, Trump do të jetë i lirë me kusht.
Por edhe nëse skenari më i keq për Trump realizohet, mundësia që ai të shkojë në burg është e pakët, edhe pse jo inekzistente. Përveç kësaj, 34 krimet e Trump janë krime të klasit E për shtetin e Nju Jorkut, me dënime deri në katër vjet.
Por ka edhe vështirësi praktike që e vështirësojnë shqiptimin e dënimit. Si një ish-president, Trump ka mbrojtje të përjetshme nga Shërbimi Sekret, agjentët e të cilit do të duhet ta mbrojnë atë edhe … në burg.
Por edhe pas hekurave (ose të paktën me një këmbë derisa të diskutohet apeli në rast dënimi) Trump nuk e humb të drejtën për të qenë kandidat. Të dënuarit nuk përjashtohen nga Kushtetuta e SHBA, por nuk është e sigurt që votuesit duan të votojnë për një president me precedentë penalë. 6% e mbështetësve të Trump thonë se nuk do të votonin për një kriminel të dënuar, një numër i vogël që mund të ndikojë në zgjedhje.
A mund "ta falë" veten nëse shpallet president?
Sipas BBC kjo nuk mund të ndodhë, sepse presidentët japin falje për krimet federale, jo ato shtetërore si ato me të cilat përballet tani Trump. Ai gjithashtu ka dy gjyqe në gjykatë federale në të cilat mund të provojë fatin e tij për të falur veten. Konstitucionalistët në SHBA nuk do të ishin dakord: presidenti, madje edhe një Trump, nuk e ka atë pushtet për vete.
