Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
BOTA
A po përgatit Ukraina një bombë bërthamore? Ministria e Jashtme: Nuk posedojmë dhe as nuk synojmë!
E.DPërditësimi i fundit 14 Nëntor 2024, 17:00
UKRAINË- Ministria e Jashtme e Ukrainës mohoi raportet e mediave, që sugjeronin se Kievi po planifikonte të zhvillonte armë bërthamore.
"Ukraina është e përkushtuar ndaj NPT (Traktatit për Mospërhapjen e Armëve Bërthamore); ne nuk posedojmë, zhvillojmë ose synojmë të marrim armë bërthamore. Ukraina punon ngushtë me IAEA (Agjencia Ndërkombëtare e Energjisë Atomike) dhe është plotësisht transparente për monitorimin e saj, i cili përjashton përdorimin e materialeve bërthamore për qëllime ushtarake," njoftoi zëdhënësi I Ministrisë së Jashtme, Heorhii Tykhyi, përmes X.
The Times raportoi më 13 nëntor se Ukraina mund të zhvillonte një bombë bërthamore brenda disa muajsh, nëse ndihma ushtarake e SHBA nën Presidentin e sapozgjedhur Donald Trump do të pushonte, sipas një dokumenti informues të përgatitur për Ministrinë e Mbrojtjes të Ukrainës. Raporti sugjeron se Ukraina mund të ndërtojë me shpejtësi një pajisje bazë, duke përdorur plutonium dhe teknologji të ngjashme me atë të bombës atomike, që SHBA hodhi në Nagasaki më 1945.
“Krijimi i një bombe të thjeshtë atomike, siç bënë Shtetet e Bashkuara gjatë Projektit Manhattan, nuk do të ishte një detyrë e vështirë 80 vjet më vonë”, thuhet në dokument.
Por Ministria e Jashtme ka mohuar më parë raportet e mediave se Ukraina planifikon të zhvillojë armët e veta të shkatërrimit në masë. Spekulimet rreth opsioneve bërthamore të Ukrainës u shtuan, pasi Presidenti Volodymyr Zelensky më 17 tetor deklaroi se i tha Trumpit në shtator se Ukraina ose duhet të bashkohet me NATO-n, ose të ndjekë aftësitë bërthamore për mbrojtjen e vendit.
Zelensky më vonë u tërhoq nga komentet, duke thënë se Kievi nuk po ndjek armët bërthamore dhe vërejtjet u bënë për të theksuar dështimet e Memorandumit të Budapestit. Sipas marrëveshjes së vitit 1994, Ukraina dorëzoi me dëshirë arsenalin e saj bërthamor, në këmbim të marrjes së garancive të sigurisë nga SHBA, Britania e Madhe dhe Rusia.
