Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
BOTA
Aksident i rëndë në Brazil, përmbyset autobusi të paktën 15 të vdekur
PiranjatPërditësimi i fundit 18 Tetor 2025, 22:50
Një aksident tragjik ka ndodhur në verilindje të Brazilit, ku një autobus pasagjerësh u përmbys pranë qytetit Saloá, në shtetin Pernambucos, duke marrë jetën e të paktën 15 personave.
Autobusi transportonte rreth 30 pasagjerë dhe u nis nga shteti i Bahias. Sipas policisë, shoferi humbi kontrollin e mjetit, kaloi në korsinë e kundërt dhe u përplas me gurët në anë të rrugës. Numri i të plagosurve nuk është ende i konfirmuar, por ata u dërguan me urgjencë në spitalet e zonës. Shoferi ka marrë lëndime të lehta, ndërsa testi i alkoolit rezultoi negativ.
Guvernatori i Bahias, Jerônimo Teixeira, njoftoi në platformën X se autoritetet po punojnë për shpëtimin e pasagjerëve dhe identifikimin e viktimave. “Po ndjek situatën me ekipin tim dhe mbaj zi të thellë për humbjen e jetëve dhe vuajtjet e familjeve,” shkroi ai.
Sipas të dhënave të Ministrisë së Transportit, më shumë se 10,000 persona humbën jetën në aksidente trafiku në Brazil gjatë vitit 2024. Ky aksident është më i rëndë i këtij viti në vend, pas disa ngjarjeve të ngjashme që kanë marrë jetë njerëzish, përfshirë një përmbysje autobusi në prill ku humbën 11 persona dhe një tjetër aksident në São Paulo në shkurt me 12 viktima.
