Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Aksidentuan për vdekje bariun dhe përplasën 31 krerë dele, arrestohet 2 drejtuesit e automjeteve në Fier
M.B.Përditësimi i fundit 18 Shkurt 2025, 10:18
FIER- Policia ka arrestuar dy drejtuesit e mjeteve që aksidentuan për vdekje dje bariun 79-vjeçar në Fier. Po ashtu dje u raportua se makinat që u përplasën kokë më kokë, morën para edhe 31 krerë dele. Aksidenti ndodhi në fshatin Suk të Roskovecit. Materialet procedurale iu referuan Prokurorisë së Fierit, për veprime të mëtejshme.
Njoftimi:
Drejtoria Vendore e Policisë Fier
Në vijim të informacionit të dhënë mbi aksidentin e mbrëmshëm, informojmë se specialistët e Sektorit të Qarkullimit Rrugor arrestuan në flagrancë shtetasit Q. M., 24 vjeç dhe L. M., 24 vjeç, të dy banues në Roskovec, pasi me automjetet që drejtonin, kanë përplasur 31 bagëti të imëta që lëviznin në fshatin Suk 1, Roskovec, si dhe 2 çobanët që ruanin bagëtitë, shtetasit F. G., 79 vjeç dhe K. H., 32 vjeç.
Si pasojë, ka humbur jetën 79-vjeçari, si dhe është dëmtuar shtetasi K. H., i cili ndodhet në spital, në kujdesin e mjekëve.
Gjithashtu, këta specialistë arrestuan në flagrancë shtetasin F. M., 30 vjeç, banues në Lushnjë, pasi ditën e djeshme, në lagjen “8 Shkurti”, automjeti që drejtonte ky shtetas, në gjendje të dehur, është përplasur me automjetin me drejtues shtetasin F. M., 49 vjeç. Si pasojë, është dëmtuar 49-vjeçari, i cili është në kujdesin e mjekëve. Materialet procedurale iu referuan Prokurorisë së Fierit, për veprime të mëtejshme.
