Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
BOTA
Ambasadorja e Izraelit në Kajro: Jemi gati për armëpushim, por tensioni është shumë i lartë
E.DPërditësimi i fundit 25 Qershor 2024, 08:32
IZRAEL- Ambasadorja izraelite në Kajro, Amira Oron tha në një deklaratë se kontaktet diplomatike për paqen në Gaza vazhdojnë pandërprerë, por tensioni është shumë i lartë për momentin. Oron tha se shqetësimi kryesor i Izraelit është se qindra pengje ende jabnë në duart e terroristëve.
“Po bëhen shumë përpjekje veçanërisht, për momentin, drejt Hamasit, por tensioni është shumë i lartë. Shqetësimi kryesor i Izraelit është për qindra pengje ende në duart e terroristëve përballë një marrëveshjeje të propozuar në studim, në të cilën Izraeli ka përfshirë lëshime të paprecedentë," tha ajo.
Gjithashtu ajo theksoi se vëmendje e madhe i kushtohet marrëdhënieve me Egjiptin, partneri i tyre themelor me të cilin janë të lidhur me një marrëveshje paqeje.
"Megjithatë, për ndihmën, duhet të kuptoni se nuk mund të sillni asgjë në Gaza. Në anën tjetër të kufirit egjiptian, ekziston shqetësimi për qeverisjen e ardhshme të Rripit dhe, në fillim, edhe të Rafahut të pushtuar, mbi të cilin Hamasi pretendon të rimarrë kontrollin. Dhe një zgjidhje me dy shtete? Politika është më e ndërlikuar nga sa do të donim të besojmë”, thotë Oron, duke specifikuar se qëllimi i Izraelit nuk është pushtimi i Gazës, por eliminimi i terroristëve që kanë kërcënuar Izraelin për dekada.
