Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
BOTA
Aristokrati që u zhduk pas vrasjes/ Misteri i Lord Lucan, i pazgjidhur edhe pas më shumë se 50 vitesh
PiranjatPërditësimi i fundit 15 Qershor 2026, 14:39
Lord Lucan, një aristokrat britanik, u zhduk në vitin 1974 pasi u akuzua se vrau gabimisht dadon e fëmijëve të tij, duke menduar se ishte ish-bashkëshortja e tij. Edhe pse u shpall fajtor për vrasje, ai nuk u gjet kurrë dhe fati i tij mbetet një nga misteret më të mëdha kriminale në Britani.
Një nga misteret më të mëdha kriminale në historinë britanike vazhdon të mbetet i pazgjidhur edhe pas më shumë se 50 vitesh.
Bëhet fjalë për Lord Lucan, aristokratin britanik që u zhduk pasi u akuzua për vrasjen e dados së fëmijëve të tij, Sandra Rivett.
Natën e 7 nëntorit 1974, Lucan dyshohet se kishte planifikuar të vriste ish bashkëshorten e tij, Veronica.
Sipas hetimeve, ai e ngatërroi atë me dadon 29-vjeçare Sandra Rivett dhe e goditi për vdekje.
Më pas sulmoi edhe gruan e tij, e cila arriti të arratisej dhe të kërkonte ndihmë.
Pak orë më vonë, Lord Lucan u zhduk pa lënë gjurmë.
Në vitin 1975 një gjykatë e shpalli fajtor për vrasje.
Makina e tij u gjet e braktisur pranë bregdetit jugor të Anglisë, duke nxitur teorinë se ishte vetëvrarë. Megjithatë, trupi i tij nuk u gjet kurrë.
Me kalimin e viteve janë shfaqur teori të shumta. Disa besojnë se ai u ndihmua nga miqtë e tij të pasur për t’u larguar jashtë vendit dhe për të jetuar me identitet të rremë. Të tjerë mendojnë se vrau veten menjëherë pas ngjarjes.
Rasti vazhdon të tërheqë interes të madh, jo vetëm për zhdukjen misterioze të Lord Lucan, por edhe për pyetjet e shumta që mbeten pa përgjigje.
Në qendër të kësaj historie tragjike qëndron viktima, Sandra Rivett, emri i së cilës shpesh është lënë në hije.
