Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
BOTA
Arkeologët zbulojnë varre dhe statuja 4000-vjeçare pas 3 vitesh gërmime në Egjipt, datojnë që nga koha e faraonit Hatshepsut
n.fPërditësimi i fundit 8 Janar 2025, 19:23
Zbulimet
EGJIPT- Egjipti ka njoftuar zbulime të reja arkeologjike që përfshijnë varre të zyrtarëve të rangut të lartë që datojnë 4000 vjet më parë dhe objekte nga epoka e Hatshepsut në një nekropol të lashtë në qytetin e famshëm të Luksorit. Artefaktet, të cilat dolën në dritë pas një gërmimi tre-vjeçar, u gjetën në zonën e Deir al-Bahari në bregun perëndimor të lumit Nil.
Zbulimet mbulojnë periudhën nga dinastia e 15-të (1650-1550 pes) deri në dinastinë e fuqishme të 18-të (1550-1292 para Krishtit) e cila përfshin faraonët si Hatshepsut dhe Tutankhamun. Ekipi zbuloi një pjesë të paprekur të strukturës së tempullit të faraonit Hatshepsut, si dhe artefakte dhe mbishkrime me ngjyra të ndezura që janë ruajtur në gjendje jashtëzakonisht të mirë. 1500 gurët e dekoruar përfaqësojnë mbretëreshën dhe pasardhësin e saj, Thutmose III duke kryer rituale fetare.
“Ato janë skenat më të bukura që kam parë ndonjëherë në jetën time”, tha egjiptologu Zahi Hawass, i cili drejtoi ekspeditëN në bashkëpunim me Këshillin e Lartë të Antikiteteve të Egjiptit.
"Kjo është hera e parë që ne kemi një grup përfundimtar të dekorimit të një tempulli të dinastisë së 18-të," u tha ai gazetarëve.
Nën themelet e tempullit, arkeologët zbuluan një depo të paprekur mjetesh rituale të gdhendura me emrin e Hatshepsut. Gjithashtu janë zbuluar, ndër të tjera, varre të gdhendura në shkëmb të zyrtarëve të lartë të epokës së Mbretërisë së Mesme, si dhe një varr i mbretëreshës Tetiseri të Dinastisë së 17-të, gjyshja e mbretit Amos.
U zbuluan gjithashtu gropa që përmbanin arkivole prej druri të zbukuruar me emblemën e Dinastisë së 17-të, si dhe varre fëmijësh që përmbanin lodra dhe pjesë të nekropolit Asasif Ptolemeik pranë tempullit të Hatshepsut. Njoftimi i sotëm vjen ndërsa Egjipti rrit përpjekjet për të rifilluar sektorin e turizmit, një burim jetik i valutës së huaj për ekonominë në vështirësi. Pas rënies pas trazirave politike që pasuan kryengritjen e vitit 2011, turizmi ka filluar të rimëkëmbet vitet e fundit. Vitin e kaluar, Egjipti mirëpriti 15.7 milionë turistë dhe shpreson të tërheqë 18 milionë vizitorë këtë vit.
