Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Autorët u përpoqën t’i prisnin gishtat/ Detaje nga rrëmbimi i 24-vjeçarit në Greqi, këngëtari Ivan Greko dhe tre rrëmbyesit e tjerë "të njohur" nga autoritetet, të akuzuar më parë për vrasje
n.fPërditësimi i fundit 25 Maj 2025, 08:32
GREQI- Detaje të reja janë zbardhur në lidhje me rrëmbimin e djalit të një biznesmeni në Greqi që ndodhi mëngjesin e 6 majit në rajonin e Hymettus. Katër persona përfshirë këngëtarin e njohur Ivan Greko, krijuan një plan të organizuar rrëmbimi dhe zhvatjeje me qëllim nxjerrjen e një shpërblimi prej 50,000 eurosh.
Viktima u sulmua nga tre autorë pranë një garazhi në zonë, të cilët e imobilizuan duke përdorur dhunë fizike dhe e plagosën në gjymtyrët e poshtme me një objekt të mprehtë. Mes kërcënimeve me vdekje, ata e futën në një makinë dhe u nisën me të në një udhëtim torture, me destinacion përfundimtar qytetin bregdetar të Saronidës.
Gjatë gjithë udhëtimit, autorët e kanë rrahur me duar, me thikë dhe me kaçavidë në trup, duke i kërkuar pagesën prej 25,000 eurosh në para të gatshme dhe dorëzimin e një motoçiklete BMë me vlerë gjithashtu 25,000 euro. Në Saronida, atyre iu bashkua një bashkëpunëtor i katërt, i cili po ngiste një motoçikletë dhe mbante një armë zjarri, duke intensifikuar kërcënimet ndaj viktimës.
Në një plazh të shkretë në zonë, egërsia arriti kulmin. Autorët u përpoqën t’ia prisnin gishtat 24-vjeçarit me një prerës, por nuk arritën ta përfundonin aktin e shëmtuar për shkak të rezistencës së tij. Pasi e dhunuan për pesë orë, rrëmbyesit e detyruan të telefononte miqtë për të mbledhur shumën që ata kërkuan. Ai vetë, nën presion, pranoi të mblidhte paratë, ndërsa autorët u nisën për të mbledhur shumën në Glyfada.
Gjatë rrugës, 24-vjeçari arriti t’u shpëtonte rrëmbyesve dhe të lajmëronte menjëherë një mik, gjë që çoi në mobilizimin e policisë. Në orët e mbrëmjes së 22 majit, ekipet e policisë u vendosën në zona të ndryshme të Atikës dhe, pasi gjetën të gjithë anëtarët e organizatës kriminale, i imobilizuan ata dhe i çuan në Stacionin e Policisë ku u arrestuan.
Sipas mediave greke, Ivan Greko ka shkelur kodin penal ushtarak. Katër të arrestuarit kanë qenë shqetësim për autoritetet në të kaluarën dhe sipas SKAI-t, disa dyshohet se janë anëtarë të një grupi zhvatjeje aktiv në Vari.
33-vjeçari i përfshirë në këtë rast u arrestua në vitin 2014 me akuzën e vrasjes me paramendim dhe vrasjes së mbetur në tentativë kundër dy vëllezërve në Agios Dimitrios, sipas të njëjtit informacion. Në të kaluarën, ai ishte arratisur nga burgu gjatë lejes dhe në vitin 2017 vodhi një makinë patrullimi me një oficer sigurie brenda. Sipas informacioneve, 33-vjeçari dyshohet se është i lidhur me një person që ishte viktimë e një tentative vrasjeje në Ano Liosia disa ditë më parë.
25-vjeçari i arrestuar është akuzuar gjithashtu për lëndime të rrezikshme trupore, prishje të qetësisë publike dhe kërcënime, ndërsa 23-vjeçari është akuzuar për dhunë ndaj punonjësve, përvetësim, grabitje dhe arratisje.
