Një ngjarje e rëndë është regjistruar në afërsi të ishujve të Ksamilit, ku është gjetur i pajetë n...
BOTA
Dalja e tij e parë publike që pas diagnostifikimit me kancer, Joe Biden merr pjesë në ceremoninë e diplomimit të nipit (FOTO)
n.fPërditësimi i fundit 25 Maj 2025, 08:31
SHBA- Ish-presidenti amerikan, Joe Biden mori pjesë në ceremoninë e diplomimit të nipit të tij në shkollën e mesme. Kjo është dalja e tij e parë publike që kur njoftoi se vuante nga kanceri.
Në fotot e postuara në Instagram nga ish-zonja e parë Jill Biden duket ish-presidenti me anëtarë të tjerë të familjes për të festuar diplomimin e Robert Hunter Biden II nga Shkolla Salisbury në Salisbury, Connecticut. Një nga fotot e postuara nga Jill Biden përmbante mbishkrimin: “Gjyshërit krenarë! Urime Hunter - jemi shumë krenarë për ty.”
Në fotot e postuara nga Ashley Biden më vonë të premten, dukej se ish-presidenti ishte parë gjithashtu në aeroport, megjithëse nuk është e qartë se në cilin aeroport është fotografuar.
Biden, i cili la detyrën në janar, u diagnostikua me kancer pasi vizitoi një mjek javën e kaluar për simptoma urinare. Kanceri i prostatës është kanceri i dytë më i zakonshëm që prek burrat, pas kancerit të lëkurës, sipas Klinikës së Clevelandit. Qendrat për Kontrollin dhe Parandalimin e Sëmundjeve (CDC) në SHBA raportojnë se 13 nga 100 burra do të zhvillojnë kancer të prostatës në një moment të jetës së tyre. Mosha është faktori më i zakonshëm i rrezikut.
Kanceri që ka metastazuar është më i vështirë për t’u trajtuar sesa kanceri që mbetet në një vend, sepse është përhapur në të gjithë trupin, duke e bërë më të vështirë për ilaçet të arrijnë dhe të shkatërrojnë të gjitha tumoret.
Por ka njëfarë shprese nga ekipi mjekësor i Bidenit. Ata thonë se kanceri i tij duket se është i ndjeshëm ndaj hormoneve. Kur kanceri i prostatës përshkruhet si "i ndjeshëm ndaj hormoneve", kjo do të thotë se rritja dhe përhapja e tij nxiten nga hormonet mashkullore të quajtura androgjene, të cilat janë kryesisht testosteroni dhe dihidrotestosteroni.
Qelizat e prostatës kanë receptorë androgjenikë, me të cilët androgjenët lidhen dhe stimulojnë rritjen dhe përhapjen e qelizave. Megjithatë, tek pacientët me kancer të prostatës, androgjenet nxisin rritjen e qelizave kancerogjene.
