Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
Autoritetet ndaluan afrimin pranë kraterit, mijëra alpinistë ngjiten në malin Etna për të parë shpërthimin e fundit të vullkanit
n.fPërditësimi i fundit 18 Shkurt 2025, 11:18
ITALI- Turistë nga e gjithë bota u ngjitën në malin Etna të Sicilisë gjatë fundjavës për t’u afruar me grykën e vullkanit dhe për të parë shpërthimin e tij të fundit. Mijëra persona u ngjitën për të parë një nga pamjet më mbresëlënëse.
Kryetari i bashkisë së Adrano, një nga komunitetet më afër shpërthimit të fundit, lëshoi një urdhër që ndalon këdo që të afrohet me rrjedhën e lavës. Deri më 15 shkurt, lejohej ende të ngjitej pranë kraterit.
Edhe gjatë një shpërthimi, ka shumë shtigje ecjeje dhe shtigje që janë ende të sigurta, megjithëse është një kërkesë ligjore të ngjitesh me një udhërrëfyes të kualifikuar malor. Megjithatë, këto kufizime nuk ishin gjithmonë në gjendje të ndalonin vizitorët.
Shumica e alpinistëve shoqëroheshin nga udhërrëfyes profesionistë, por Salvo Cocino, kreu i departamentit rajonal të Mbrojtjes Civile të Siçilisë, u shfaq në mediat sociale për të penguar alpinistët të parkonin makinat e tyre në rrugë të ngushta që mund të bllokonin automjetet e urgjencës.
Dhe Mbrojtja Civile e rajonit ka dislokuar njësi vullnetarësh që janë në gjendje të ofrojnë ndihmë aty ku është e nevojshme. Mali Etna, në bregun lindor të Sicilisë, është vullkani më aktiv në Evropë. Shpërthimi i fundit filloi më 11 shkurt, duke dërguar një shtëllungë hiri dhe llave në ajër të dukshme nga kilometra larg.
