Detaje të reja janë mësuar në lidhje me ngjarjen në Roskovec, ku Besmir Mustaj ka qëlluar me armë zjarri në portë...
BOTA
Detajet e ceremonisë/ Familja Trump në festë, por presidenti mungon në dasmën e djalit
PiranjatPërditësimi i fundit 22 Maj 2026, 20:10
Donald Trump Jr. do të martohet këtë fundjavë me socialiten e njohur të Palm Beach, Bettina Anderson, në një ceremoni private në një ishull të vogël në Bahamas.
Sipas mediave amerikane, ceremonia është organizuar larg vëmendjes publike dhe me një listë shumë të kufizuar të ftuarish. Në dasmë pritet të marrin pjesë vetëm familjarët më të afërt dhe miqtë më të ngushtë të çiftit, me numrin total të të ftuarve që nuk i kalon 50 persona.
Ajo që ka tërhequr vëmendje është mungesa e Donald Trump në ceremoninë e djalit të tij.
Vetë Trump konfirmoi se nuk do të jetë i pranishëm në dasmë, duke deklaruar në rrjetin e tij Truth Social se angazhimet shtetërore nuk i lejojnë të largohet nga Uashingtoni.
“Edhe pse doja shumë të isha me djalin tim, Don Jr., dhe anëtaren më të re të familjes Trump, Bettina, rrethanat që lidhen me qeverinë dhe dashuria ime për Shtetet e Bashkuara nuk ma lejojnë këtë”, shkroi Trump.
Presidenti amerikan shtoi se e konsideron të rëndësishme të qëndrojë në Washington gjatë kësaj periudhe, duke përmendur edhe zhvillimet që lidhen me Iran dhe çështje të tjera ndërkombëtare.
Një ditë më parë, Trump kishte lënë të kuptohej se mund të përpiqej të merrte pjesë, por e cilësoi ceremoninë si “një event shumë të vogël dhe privat”.
Burime pranë familjes Trump kanë bërë të ditur se mungesa e presidentit ishte parashikuar prej kohësh, edhe për shkak të dëshirës së çiftit për ta mbajtur ceremoninë larg vëmendjes mediatike.
