Detaje të reja janë mësuar në lidhje me ngjarjen në Roskovec, ku Besmir Mustaj ka qëlluar me armë zjarri në portë...
BOTA
Tragjedia në Maldive, publikohen pamjet nga shpella nënujore ku humbën jetën 5 zhytësit
PiranjatPërditësimi i fundit 22 Maj 2026, 19:17
Pamjet e para nga sistemi i errët i shpellave nënujore në Maldives, ku humbën jetën pesë zhytës italianë, janë publikuar nga ekipi i specializuar që mori pjesë në operacionin e nxjerrjes së trupave.
Sipas mediave ndërkombëtare, zhytësit dyshohet se kanë hyrë gabimisht në një korridor pa dalje brenda kompleksit të shpellave nënujore, duke mbetur të bllokuar në thellësi mbi 50 metra.
Fotot e publikuara nga DAN Europe tregojnë kalime të ngushta dhe të errëta, ku dukshmëria zhdukej pothuajse plotësisht gjatë operacionit të kërkimit.
“Drita natyrale vazhdon të depërtojë nga hyrja përpara se sistemi të zhytet në errësirë”, deklaroi organizata në rrjetet sociale.
Mes viktimave janë 52-vjeçarja Monica Montefalcone, vajza e saj 20-vjeçare Giorgia Sommacal, Muriel Oddenino dhe Federico Gualtieri, ndërsa instruktori Gianluca Benedetti u gjet pranë hyrjes së shpellës ditën e zhdukjes.
Autoritetet po hetojnë ende shkaqet e tragjedisë, e cila konsiderohet aksidenti më i rëndë i zhytjes në historinë e Maldiveve. Ekspertët dyshojnë se grupi mund të ketë përdorur pajisje të papërshtatshme për zhytje teknike në shpella të thella, ndërsa kushtet e motit dhe rrymat e forta nënujore mund ta kenë përkeqësuar situatën. /Piranja News/
