Dhoma e Avokatisë Sarandë ka reaguar me kritika të forta ndaj publikimit nga kryeministri Edi Rama të fotografive të personave protes...
BOTA
Dikur një modele e famshme, sot kërkon ushqim në kazanët e plehrave
PiranjatPërditësimi i fundit 28 Prill 2023, 13:03
Ajo dikur i kishte të gjitha. Një karrierë të suksesshme si modele, por edhe si aktore, një martesë me aktorin e “Baywatch” Jeremy Jackson, para dhe famë.
Por në disa foto të publikuara nga tabloidi britanik “Daily Mail”, Loni Willison është parë e transformuar plotësisht, duke u endur rrugëve e duke kërkuar për ushqim në kazanët e plehrave.
Siç raportohet, ish-modelja e rrobave të banjës tashmë është e pastrehë dhe vijon të jetojë në Kaliforni. Së fundmi është pikasur në Santa Monica duke u endur nëpër koshat e mbeturinave.
Tatëpjeta e jetës së saj raportohet të ketë filluar gati 10 vite më parë, ku martesa me aktorin e “Baywatch” u mbyll si mos më keq, pasi akuzoi Jackson se u përpoq ta mbyste gjatë një sherri ku të dy ishin të dehur.
Që prej divorcit ajo ka vuajtur nga varësia ndaj alkoolit dhe probleme të shëndetit mendor. Një dishezë e frikshme, duke menduar që 8 vite më parë ajo po jetonte ëndrrën amerikane, në zemër të Hollivudit.
Përveç alkoolit ajo raportohet të ketë pasur probleme edhe me drogën. Për herë të parë, Willison përfundoi e pastrehë në vitin 2016, kur humbi edhe vendin e punës në një qendër estetike në Los Anxhelos.
Problemet financiare vetëm sa ia vështirësuan ringritjen dhe duke mos paguar dot qiranë, u dëbua nga shtëpia duke u detyruar të jetonte në rrugë.
