Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
BOTA
Diplomacia e pandave/ Si përdoret kjo praktikë në përmirësimin e marrëdhënieve Kinë-Australi?
S.BPërditësimi i fundit 17 Qershor 2024, 11:45
pamje nga ngjarja
AUSTRALI- Kryeministri i Kinës Li Qiang i ka ofruar Australisë dy panda të reja gjatë vizitës së tij në kopshtin zoologjik Adelaide. Pandat do të zëvendësojnë ato ekzistuese të kopshtit zoologjik, të quajtura Wang Wang dhe Fu Ni, të cilët janë "lajmëtarë miqësorë të marrëdhënieve Kinë-Australi".
Ardhja Qiang në Australi në një udhëtim katër-ditor është i pari i një udhëheqësi kinez në shtatë vjet, duke shënuar përmirësimin e marrëdhënieve midis dy vendeve. Si Kina ashtu edhe Australia do ta shohin vizitën si qendrore për adresimin e çështjeve të pazgjidhura tregtare dhe konsullore.
Li tha se ndërsa Wang Wang dhe Fu Ni do të ktheheshin në vendlindjen e tyre deri në fund të vitit, ai premtoi se Kina së shpejti do të sigurojë panda të tjera të reja në Parkun e Adelaide.
Një praktikë që daton që nga Dinastia Tang, e cila sundoi nga viti 618 deri në vitin 907 të es, diplomacia e pandave, ose dërgimi i pandave si dhurata diplomatike ka qenë prej kohësh një instrument i përpjekjeve diplomatike të Kinës.
Kina po kërkon të rrisë ndikimin e saj në Paqësorin Jugor, duke zgjeruar sigurinë dhe lidhjet ekonomike me shtetet ishullore që janë historikisht aleate me Australinë. Me mbërritjen e tij në Adelaide të shtunën, Li paralajmëroi një shkrirje të përçarjes diplomatike.
