Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
BOTA
Djali i vdiq në aksidentin e Tempit, shqiptari Pano Ruçi: Ja kush vinte natën vonë dhe më mbështeste gjatë grevës
PiranjatPërditësimi i fundit 13 Tetor 2025, 15:24
Drejtësia e ka thënë fjalën e saj në Greqi për të lejuar jo vetëm zhvarrosjen e Denis Ruçit, viktimë e aksidentit të tre viteve më parë në aksidentin hekurudhor të Tempit, por edhe analizat e ADN-së dhe ato toksikologjike. Verdikti i Gjykatës së Larisës u mor pasi babai i 22-vjeçarit shqiptar, Pano Ruçi, qëndroi për 23 ditë pa ndërprerje në grevë urie për të arritur kërkesat.
Dhe teksa procedurat janë në vijim, shqiptari që ka lënë grevën prej javës së kaluar, tani ka folur për mediat për eksperiencën e dhimbshme, por edhe mbështetjen që mori, deri edhe nga VIPA të artit dhe kulturës në Greqi.
“Kompozitori Nikos Karvelas vinte në Syntagma pothuajse çdo natë dhe më mbështeste”, tha ai mes të tjerash.
Pano Ruçi (Rutsis) foli në emisionin “To Proino” për betejën që zhvilloi për 23 ditë në grevë urie, për t’u lejuar të zhvarroste të birin dhe t’i kryheshin analizat toksikologjike.
Ai përmendi në mënyrë të veçantë edhe Nikos Karvelasin, i cili, siç tha ai, ishte pranë tij pothuajse çdo natë, larg vëmendjes. Kompozitori, pa kamera apo deklarata, qëndroi i qetë pranë tij, duke i ofruar forcë dhe prani njerëzore në një nga momentet më të vështira të jetës së tij, informon “Prothothema”.
“Kanë kaluar edhe disa artistë nga Syntagma. Është e vërtetë që Nikos Karvelas vinte pothuajse çdo natë. Më tha se donte të ishte me mua që të mos isha vetëm. Bisedonim me orë të tëra. Ishte shumë bukur. E bënte me zemër pa publicitet, pa kamera. Nuk donte, prandaj vinte vonë natën”, zbuloi ai.
