Kreu i Partisë Demokratike Sali Berisha komentoi zgjedhjet në Serbi, teksa Aleksandar Vuçiç ra nga pushteti pas 14 vitesh.
Berisha u ...
BOTA
“Duam fqinjë, jo turistë”/ Banorët e Madridit protestojnë për çmimet e larta të banesave! Kriza e strehimit, një nga sfidat kryesore për qeverinë spanjolle
PiranjatPërditësimi i fundit 24 Maj 2026, 21:47
Mijëra qytetarë u mblodhën sot në qendër të Madrid për të protestuar kundër rritjes së ndjeshme të kostove të strehimit, një problem që po prek gjithnjë e më shumë qytetarët në Spanjë, pavarësisht rritjes ekonomike të vendit.
Protestuesit mbanin pankarta dhe brohorisnin slogane që kërkonin “të drejtën për strehim dinjitoz”, ndërsa një prej mesazheve më të spikatura ishte: “Duam fqinjë, jo turistë”, në shenjë kritike ndaj ndikimit të turizmit në rritjen e çmimeve të qirave.
Sipas analistëve, Spanja ka një traditë të fortë të pronësisë së banesave dhe një stok të kufizuar të banesave sociale me qira. Ndërkohë, rritja e kërkesës nga turizmi dhe emigracioni ka shtuar presionin mbi tregun e pasurive të paluajtshme, veçanërisht në Madrid dhe Barcelonë.
Agjencia Associated Press raporton se kriza e strehimit po kthehet në një nga sfidat kryesore politike për kryeministrin socialist Pedro Sánchez, përpara zgjedhjeve parlamentare të planifikuara për vitin 2027.
Të rinjtë spanjollë thonë se pagat e ulëta dhe çmimet e larta të qirave i kanë bërë banesat thuajse të papërballueshme, duke i detyruar shumë prej tyre të qëndrojnë me prindërit edhe në moshë madhore.
Marshimi i sotëm u zhvillua vetëm një ditë pas një tjetër proteste masive kundër qeverisë së Sánchez, në një klimë të tensionuar politike të shoqëruar me akuza për korrupsion dhe pakënaqësi të gjerë publike ndaj ekzekutivit.
