Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
BOTA
"Duhet të sigurojmë interesat tona"/ Kremlini: Putin mbështet armëpushimin, por duhet të plotësohen disa kushte!
E.DPërditësimi i fundit 7 Prill 2025, 16:31
RUSI- Zëdhënësi i Kremlinit, Dmitry Peskov tha se Rusia është e hapur për të diskutuar një armëpushim të plotë për t’i dhënë fund konfliktit në Ukrainë, por që kjo të ndodhë, duhet të ketë garanci se Kievi do t’i përmbahet asaj.
Peskov duke folur me gazetarët iu përgjigj edhe komenteve të presidentit amerikan Donald Trump, i cili tha se do të donte që Rusia të ndalonte sulmet në Ukrainë. Peskov theksoi se presidenti rus Vladimir Putin mbështet idenë e nevojës për një armëpushim por së pari, duhet të plotësohen disa kushte.
Një seri e tërë pyetjesh duhet të marrin përgjigje… Kjo lidhet me mungesën e kontrollit mbi regjimin e Kievit dhe paaftësinë e regjimit të Kievit për të kontrolluar veprimet e një numri njësive ekstremiste dhe nacionaliste që thjesht nuk i binden atij,” tha Peskov.
Gjithashtu Peskov tha se një çështje tjetër kryesore lidhet me planet e Ukrainës për militarizimin e mëtejshëm.
“Të gjitha këto aspekte janë ende në axhendë. Ndërsa jemi në solidaritet me idenë e vendosjes së një armëpushimi sa më shpejt të jetë e mundur, ne duhet të sigurojmë interesat tona dhe të sqarojmë pikërisht këto aspekte për të cilat sapo fola," tha Peskov.
Muajin e kaluar, pas një telefonate me Presidentin e SHBA Donald Trump, Putin ra dakord për një moratorium 30-ditor të sulmeve që synonin infrastrukturën energjetike, me Ukrainën gjithashtu duke nënshkruar propozimin.
