Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
BOTA
Dyshohet se rekomandoi shpalljen e ligjit ushtarak, ish-ministri i mbrojtjes i Koresë së Jugut tenton të vetëvritet
M.B.Përditësimi i fundit 11 Dhjetor 2024, 08:23
KOREA E JUGUT- Ish-ministri i Mbrojtjes së Koresë së Jugut, Kim Yong-hyun ka tentuar t'i japë fund jetës së tij ndërsa ishte në paraburgim. Sipas mediave të huaja, policia e Koresë së Jugut bastisi zyrën presidenciale të mërkurën si pjesë e një hetimi të zgjeruar mbi shpalljen jetëshkurtër të ligjit ushtarak të Presidentit Yoon Suk Yeol, shkaktoi zemërim të gjerë publik në vend.
Yoon i është ndaluar të largohet nga vendi pasi prokurorëve mbi të peshojnë akuzat e mundshme për kryengritje. Ish-ministri i Mbrojtjes u arrestua në kryeqytetin Seul të dielën, duke u bërë figura e parë e arrestuar për këtë rast. Ai mendohet se rekomandoi vendosjen e ligjit ushtarak dhe dha dorëheqjen si ministër i mbrojtjes të enjten.
Shin Yong-hae, komisioneri i përgjithshëm i Shërbimit Korrektues të Koresë, tha se Kim bëri përpjekjen për vetëvrasje para se të lëshohej një urdhër-arresti zyrtar të martën vonë. Duke folur me ligjvënësit në Asamblenë Kombëtare, Shin tha se incidenti ndodhi në një banjë. Kur një oficer hapi derën e banjës, Kim hoqi dorë nga përpjekja, shtoi Shin. Ai është transferuar në një dhomë izolimi dhe nuk ka probleme shëndetësore, tha Shin.
