Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
E rëndë në Meksikë/ Vriten 5 anëtarë të një familjeje, vrasësit shkojnë në spital dhe ekzekutojnë edhe të plagosurin, nga shkëmbimi i zjarrit vriten edhe dy policë
n.fPërditësimi i fundit 5 Nëntor 2024, 10:15
Foto ilustruese
MEKSIKË- Një tjetër ditë incidentesh të përgjakshme është regjistruar në Meksikë. Mësohet se pesë anëtarë të së njëjtës familje u vranë dje të hënën në Acapulco, ndërsa një pacient përfundoi në spital. I plagosuri më pas u ekzekutua nga autorët në spital. Ndërkohë dy policë u vranë pasi u thirrën për të ndërhyrë në vendngjarje.
Pesë anëtarët e së njëjtës familje u vranë nga një grup personash të armatosur që plagosën dy persona të tjerë kur hynë në një shtëpi në një lagje të Acapulco mëngjesin e djeshëm, thanë autoritetet lokale.
Prokuroria në shtetin e Guerreros njoftoi se ka nisur një hetim për rastin. Në përgjithësi, shumica e vrasjeve mbeten të pandëshkuara në Meksikë. Në shtetin Guerrero, bandat përplasen për kontrollin e trafikut të drogës dhe rrugëve përmes të cilave kryhet. Të premten, autoritetet njoftuan se po kërkonin 14 persona që ishin zhdukur. Ndërsa më 6 tetor, kryetarit të bashkisë Chilpancingo, kryeqyteti i shtetit Guerrero, Alejandro Arcos, 43 vjeç, iu pre koka, pak ditë pasi mori detyrën.
Në shtetin Puebla, persona të armatosur vranë një pacient në spitalin e Atlisco dhe vranë gjithashtu dy policë, sipas autoriteteve. Sulmuesit qëlluan dhjetë herë viktimën e tyre, e cila arriti në spital të dielën në mëngjes, i plagosur nga të shtënat me armë zjarri. Të thirrur për të shkuar në vendngjarje pas thirrjes për veprime të menjëhershme për sulmin, oficerët e policisë ishin objektivi i zjarrit dhe dy prej tyre u vranë në vend. Autoritetet po hetojnë për të përcaktuar nëse pacienti, i cili është rreth të tridhjetave, ishte i përfshirë në aktivitete të paligjshme.
