Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
BOTA
Erdogan: Turqia është e gatshme të ndërtojë bazën detare të Qipros, nëse është e nevojshme
E.DPërditësimi i fundit 22 Korrik 2024, 11:04
TURQI- Presidenti Rexhep Tajip Erdogan thotë se Turqia është gati të ndërtojë një bazë detare në Qipro, gjysmë shekulli pasi forcat e saj pushtuan ishullin tashmë të ndarë.
“Nëse është e nevojshme, ne mund të ndërtojmë një bazë dhe struktura detare në veri të Qipros”, tha Erdogan.
Erdogan tha se u kthye në Turqi pasi vizitoi Qipron Veriore të shtunën për të shënuar 50 vjetorin e pushtimit të Turqisë. Ai akuzoi gjithashtu Greqinë rivale se dëshiron të krijojë një bazë detare të sajën në Qipro, në të ardhmen e së cilës të dyja palët mbeten të ndara si kurrë më parë.
Qiproja fitoi pavarësinë nga Britania në vitin 1960, por një administratë e përbashkët midis qipriotëve grekë dhe turq u shpërbë shpejt pas dhunës që solli tërheqjen e turqve qipriotë në enklava dhe dërgimin e një force paqeruajtëse të Kombeve të Bashkuara.
Në vitin 1974, Turqia pushtoi më shumë se një të tretën e ishullit dhe dëboi më shumë se 160,000 grekë qipriotë në jug. Qiproja që atëherë është ndarë sipas përkatësisë etnike, me grekë dhe turq qipriotë që jetojnë në të dyja anët e një kufiri të patrulluar nga OKB. Në vitin 1983, Turqia instaloi atë që e quan Republika Turke e Qipros Veriore, një shtet i shkëputur i njohur vetëm nga Turqia.
