Me thirrjet 'polici këtu na ke, ti mbron krimin dhe jo ne' protestuesit po protestojnë para Drejtorisë së Policisë së Ti...
BOTA
Sulmet e SHBA-së lënë pa ujë të pijshëm mijëra banorë iranianë
PiranjatPërditësimi i fundit 10 Qershor 2026, 15:20
Mijëra iranianë në qytetin portual jugor iranian të Sirikut kanë mbetur pa qasje në ujë të pijshëm pasi sulmet amerikane goditën dy rezervuarë uji në zonë, raportuan më 10 qershor mediat shtetërore iraniane.
Shtetet e Bashkuara kryen sulme ajrore ndaj qyteteve jugore Jask dhe Sirik, si dhe ndaj ishullit Qeshm në Ngushticën e Hormuzit, pasi Uashingtoni deklaroi se Irani kishte rrëzuar një helikopter Apache të Ushtrisë Amerikane mbi ujërat e Gjirit.
Sulmet dëmtuan dy rezervuarë që furnizonin me ujë zonat Bemani dhe Kouhestak të qytetit të Sirikut.
“Fatkeqësisht, pas këtij sulmi, 20 mijë banorë të rajonit nuk furnizohen me ujë të pijshëm dhe, ndërkohë që temperaturat që variojnë nga 45 deri në 50 gradë Celsius, kushtet janë bërë jashtëzakonisht të vështira dhe kritike për banorët lokalë”, citoi televizioni shtetëror iranian zyrtarët e kompanisë lokale të ujësjellësit.
“Shkatërrimi i këtyre rezervuarëve ka krijuar një problem madhor për rrjetin e furnizimit me ujë të rajonit”, shtoi ai, duke theksuar se zona nuk kishte burime të mjaftueshme të ujërave nëntokësore për të zëvendësuar rezervuarët e dëmtuar.
Sipas Abdolhamid Hamzehpour, një zyrtar i lartë i kompanisë së ujësjellësit në provincën jugore të Hormozganit, po bëhen përpjekje për të gjetur alternativa furnizimi me ujë për fshatrat e prekura në zonë.
Teherani i dënoi sulmet, duke i cilësuar si të kryera “nën pretekste të rreme”, dhe u kundërpërgjigj me sulme raketore dhe me dronë ndaj asaj që e quajti baza amerikane në Bahrein, Jordani dhe Kuvajt.
