Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
BOTA
FOTO/ "Alpinistët" japonezë pastrojnë statujën më të lartë në botë të Budës
PiranjatPërditësimi i fundit 9 Shtator 2024, 20:22
JAPONI- Dy pastruesit profesionistë bënin dje operacionin e përvitshëm për të bërë statujën të dukej në formën më të mirë. Pompat e ujit me presion largonin pluhurin e glasat e zogjve nga monumenti Ushiku Daibutsu në verilindje të Tokios. Struktura 120-metra e lartë pastrohet nga të njëjtët alpinistë, të cilëve u është besuar detyra prej 25 vjetësh.
“Është një detyrë shumë e pazakontë,” shkruan një prej veteranëve, 54-vjeçari Kazuyoshi Taguchi.
Kur dhe kolegu Kazumi Minoëa, 51 vjeç, morën fillimisht detyrën, nuk e kishim idenë si do ta bënim dhe përballeshim me shumë vështirësi, shpeshherë trupin na e rrotullonte era gjatë detyrës. Dje ata me litarë e kova uji ngjiteshin në majë të kokës së Budës, e cila është tre herë më e lartë se ‘Statuja e Lirive’ në SHBA.
Ata duhet të zbresin në secilën prej 480 topthave të flokëve, secila një metër e gjerë, si dhe të heqin pluhurin e papastërtitë e një viti nga veshi i Budës. Ushiku është një vend i rëndësishëm për budizmin japonez pasi këtu prifti shekullit të 13-të Shinran Shonin besohet se ka themeluar sektin e njohur ‘Jodo Shinshu’.
Vizitorët e monumentit mund të marrin ashensorin brenda trupit gjigant dhe të shikojnë nga dritaret në gjoksin e saj, rreth 85 metra mbi tokë. Ish-boksieri amator Taguchi dhe amatori i peshkimit Minoëa nuk kishin pasur përvojë në alpinizëm, por thonë se janë krenarë tashme për të kryer detyrën. Eventi i njohur si “heqja e blozës” është një event i përvitshëm në tempujt japonezë, ku murgjit dhe besimtarët pastrojnë altarët e ndërtesat e besimit./AFP
