Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
BOTA
FOTOT/ Turistja imiton akte seksuale me statujën në Firence, acarohen vendasit: Të burgosen, ç"është kjo mungesë respekti?
S.BPërditësimi i fundit 17 Korrik 2024, 13:33
pamje nga ngjarja
ITALI- Një turiste ka shkaktuar debat në Firence pasi hipi sipër një monumenti kulturor për të bërë disa fotografi. Turistja bjonde, kombësia e së cilës ende nuk dihet, u pa duke u ngjitur në Bacchus të Giambologna në zonën Borgo San Jacopo të Firences përpara se të puthte statujën prej bronzi.
Gruaja e paidentifikuar, e veshur me pantallona të shkurtra xhins dhe një bluzë të zezë, gjithashtu qëndroi përballë skulpturës duke bërë gjeste të papërshtatshme e duke imituar një akt seksual.
Shefja e policisë Antonella Ranaldi tha: Turistët janë të mirëpritur, por duhet të ketë respekt për monumentet tona, qofshin ato origjinale apo kopje.
Pamjet u bënë virale në shtetin fqinj, ku shumë italianë kanë bërë thirrje që turistet të shkojnë në burg për fotosesionin 'seksual' me statujën. Statuja me të cilën u fotografua gruaja është një kopje e Bacchus origjinale prej bronzi, e cila u krijua nga Giambologna në vitet 1560 dhe ruhet në Muzeun Bargello.
Ai u zëvendësua nga kopja në vitin 2006 dhe qëndron në majë të një shatërvani origjinal të lashtë prej mermeri të quajtur 'del Centauro', të cilin turistët duhej ta ngjitnin për të arritur statujën.
Kjo vjen pas incidenteve të ngjashme me turistët që shkaktuan zemërim në Itali pas mosrespektimit të monumenteve. Vetëm muajin e kaluar, një turist u kap duke gdhendur emrin e tij në një mur antik në Pompei.
