Në 20 ditë protestë përpara Kryeministrisë, Edi Rama ka dalë disa herë për t’iu përgjigjur protestuesve. He...
BOTA
Franca kërkoi dorëheqjen, raportuesja e OKB Albanese: Ata që lejuan gjenocidin në Gaza, sulmojnë lajmëtarin!
PiranjatPërditësimi i fundit 13 Shkurt 2026, 19:12
“Inkuizicioni është kthyer”. Kështu shkroi në X, Francesca Albanese në lidhje me kërkesat për dorëheqjen e saj nga detyra e raportueses speciale të Kombeve të Bashkuara për Territoret Palestinezë, kërkesë e bërë nga Franca.
“Ajo që është thënë është një gënjeshtër. Në vend që ta tërheqin deklaratën, sistemi që ka lejuar gjenocidin sulmon lajmëtarin,” shkroi ajo. “Franca e di se ka bërë një gabim, por krenaria e pengon ta korrigjojë. Arkivat gjurmohen për të gjetur çdo fjalë të papërshtatshme. Të tjerët përsërisin gënjeshtrën”, shkroi ajo.
BE: Vendimi i takon OKB
“Ne nuk komentojmë, por Bashkimi Evropian dënon çdo formë antisemitizmi. Kjo është e qartë. Për më tepër, kujtoj deklaratat e presidentes së Komisionit Evropian, Ursula von der Leyen, dhe përfaqësueses së lartë, Kaja Kallas, në Ditën Ndërkombëtare të Kujtesës së Holokaustit: ‘Ne marrim në konsideratë kërkesat e disa shteteve anëtare që kërkojnë dorëheqjen e znj. Albanese, por vendimi për të ardhmen e saj i takon OKB-së.’”
Kështu sqaroi një zëdhënës i Komisionit Evropian gjatë një konferencë për shtyp, kur u pyet për kërkesën e ministrit francez të Jashtëm, Jean-Nowl Barrot, për dorëheqjen e Francesca Albanese, raportueses speciale të Kombeve të Bashkuara mbi situatën e të drejtave të njeriut në territoret palestineze. /PiranjatNews/
