Një aksident rrugor është regjistruar paraditen e kësaj të enjte (4 qershor 2026) në Tiranë, pranë Fabrikës s&eum...
BOTA
Francezët derdhen rrugëve të Francës kundër politikave të Presidentit. Edhe mjekët i bashkohen nismës “Blloko Gjithçka”
PiranjatPërditësimi i fundit 10 Shtator 2025, 18:08
Punonjësit francez të shëndetësisë e bënë zërin e tyre të dëgjohet të hënën duke iu bashkuar lëvizjes “Blloko gjithçka” në Spitalin Tenon në Paris. Një pankartë shkruante “Para për spitalet, jo për avionët Rafale”, duke i bërë jehonë ndjenjës se politikat mbrojtëse të Francës e harxhojnë buxhetin që duhet të ndahet për spitalet dhe shkollat.
Një punonjës sindikate tha se shumë spitale nuk kanë burime, duke i detyruar pacientët të flenë në shtretër në korridore dhe të ngjeshen brenda dhomave të urgjencës. Në qytetin lindor të Strasburgut, protestues të rinj të zemëruar me politikat e Presidentit francez Macron marshuan në rrugë ndërsa parlamenti i Bashkimit Evropian ishte në seancë.
Protestuesit në të gjithë Francën ndërprenë trafikun, dogjën kazanë plehrash dhe herë pas here u përleshën me policinë të mërkurën në një përpjekje për të “Bllokuar Gjithçka” në shenjë proteste kundër Presidentit Emmanuel Macron, establishmentit politik dhe shkurtimeve të planifikuara buxhetore.
Dhjetëra mijëra forca sigurie që ishin vendosur në të gjithë vendin hoqën bllokadat sa më shpejt të ishte e mundur, thanë zyrtarët, që do të thotë se Franca, për momentin, nuk ishte e bllokuar pavarësisht disa përleshjeve. Rreth 300 protestues u arrestuan në të gjithë vendin.
Autoritetet franceze thanë se 80,000 forca sigurie ishin vendosur në të gjithë vendin, përfshirë 6,000 në Paris. Mediat franceze kishin raportuar se 100,000 njerëz pritej të merrnin pjesë në demonstrata.
Shumë demonstrues shprehën zemërimin e tyre kundër Macron, i cili tashmë po përballet me trazira politike pasi opozita parlamentare u bashkua për të rrëzuar qeverinë e tij të hënën.
Presidenti emëroi një aleat të ngushtë si kryeministër të tij të ri, konservatorin Sebastien Lecornu, i cili mori detyrën të mërkurën duke u përballur me të njëjtën sfidë për të frenuar borxhin në rritje të Francës si paraardhësi. /Piranjat/
