Të rinjtë protestues kanë refuzuar thirrjet për dialog me kryeministrin Edi Rama.
Gjatë protestës, studentët kanë p&e...
BOTA
Gati 1 milion të zhvendosur në Liban pas urdhrave të evakuimit nga Izraeli, IOM: Situata humanitare alarmante
PiranjatPërditësimi i fundit 16 Mars 2026, 08:32
Situata humanitare në Liban po përkeqësohet me shpejtësi, pasi gati 1 milion persona janë detyruar të largohen nga shtëpitë e tyre për shkak të përshkallëzimit të luftimeve dhe “urdhrave të evakuimit” të lëshuara nga Izrael. Lajmi është bërë i ditur nga Organizata Ndërkombëtare për Migracionin (IOM).
Drejtoresha e përgjithshme e organizatës, Amy Pope, u shpreh “thellësisht e alarmuar” nga raportimet se një sulm goditi njerëzit e zhvendosur që po strehoheshin në kryeqytetin libanez, Bejrut, duke vrarë të paktën tetë persona dhe duke plagosur dhjetëra të tjerë.
Agjencia e OKB-së për migracionin tha se gati 1 milion njerëz kanë ikur nga shtëpitë e tyre për shkak të përshkallëzimit të armiqësive dhe urdhrave të evakuimit në të gjithë vendin.
Rreth 125,000 persona po qëndrojnë në strehimore kolektive të drejtuara nga qeveria, ndërsa shumë prej tyre po strehohen nga të afërm, miq dhe komunitete lokale. Mijëra të tjerë mbeten pa strehim të përshtatshëm, përfshirë familjet që flenë në rrugë.
Shumë nga të zhvendosurit mbërritën në Bejrut me pak gjëra përveç rrobave që mbanin veshur dhe tani jetojnë në tenda ose strehimore të improvizuara që ofrojnë pak mbrojtje nga bombardimet.
Pope paralajmëroi se nevojitet ndihmë urgjente për të parandaluar një krizë më të thellë humanitare. “E Drejta Ndërkombëtare Humanitare kërkon që palët të lejojnë dhe lehtësojnë ndihmën humanitare të shpejtë për civilët në nevojë. Kjo duhet të respektohet tani”, tha ajo.
