Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
BOTA
"Gjetëm një sasi të madhe kaptagoni"! Autoritetet e reja siriane djegin 1.000.000 “pilula xhihadiste”
E.DPërditësimi i fundit 25 Dhjetor 2024, 15:41
SIRI- Autoritetet e reja të Sirisë kanë djegur sasi të mëdha narkotike sot, duke përfshirë një milion pilula kaptagoni, një amfetaminë e prodhuar në shkallë industriale gjatë sundimit të Bashar al-Asad.
“Ne gjetëm një sasi të madhe kaptagoni, rreth një milion pilula,” tha një anëtar forcave të Sigurisë.
Captagon është një stimulues i ndaluar i ngjashëm me amfetaminën që u bë eksporti më i madh i Sirisë gjatë luftës civile më shumë se 13-vjeçare të vendit, duke e kthyer atë në një shtet narko nën Asadin.
Administrata e Bashar al-Assad ishte e njohur për prodhimin e kaptagonit, një amfetamine që rrjedh nga një ilaç që supozohej të trajtonte narkolepsinë ose çrregullimin e mungesës së vëmendjes, duke e kthyer vendin në një narko-shtet dhe duke mbushur tregjet e Lindjes së Mesme, Irakun fqinj ose vendet e Gjirit.
Ditët e fundit, në hangaret e avionëve apo bazat ushtarake, koalicioni i organizatave të armatosura islamike ka zbuluar qindra çanta të vogla që përmbajnë pilula kaptagoni. Sot ka ndodhur asgjësimi i drogës në ish sektorin e sigurisë të Damaskut, në lagjen Kafar Sousse.
“Forcat e sigurisë të qeverisë së re siriane zbuluan një depo droge gjatë inspektimeve” të sektorit të sigurisë, tha për AFP një tjetër anëtar i atyre forcave, i cili u identifikua si Hamza.
“Alkool, kanabis, pilula kaptagoni dhe pako me hashash u bë për të mbrojtur shoqërinë siriane dhe prerë rrugët e kontrabandës të përdorura nga bizneset e familjes Assad. Kjo nuk është iniciativa e parë e këtij lloji, forcat e sigurisë kanë gjetur gjithashtu depo të tjera (…) dhe vende të prodhimit të drogës dhe i kanë shkatërruar ato,” tha ai, duke iu referuar tregtisë së drogës, në shkallë industriale të regjimit të mëparshëm.
Që kur një aleancë rebele e udhëhequr nga islamistët rrëzoi Asadin më 8 dhjetor pas një ofensive të rrufeshme, autoritetet e reja të Sirisë kanë thënë se sasi masive të kaptagonit janë gjetur në vendet e ish-qeveritare anembanë vendit, duke përfshirë degët e sigurisë.
Gazetarët e AFP-së në Siri kanë parë luftëtarë të grupit islamik Hayat Tahrir al-Sham (HTS) duke i vënë flakën atyre që ata thanë se ishin grumbullime të kaptagonit të gjetura në objektet që dikur operonin nga forcat e Asadit.
Anëtari i forcës së sigurisë Hamza konfirmoi të mërkurën se "kjo nuk është iniciativa e parë e këtij lloji -- shërbimet e sigurisë, në një numër vendesh, kanë gjetur magazina të tjera... dhe vende të prodhimit të drogës dhe i kanë shkatërruar ato në mënyrën e duhur".
Maher al-Assad, një komandant ushtarak dhe vëllai i Bashar al-Assad, akuzohet gjerësisht se është fuqia pas tregtisë fitimprurëse të kaptagonëve. Ekspertët besojnë se ish-udhëheqësi i Sirisë përdori kërcënimin e trazirave të nxitura nga droga për të ushtruar presion mbi qeveritë arabe.
Një delegacion saudit u takua të dielën me liderin e ri të Sirisë Ahmed al-Sharaa në Damask, tha një burim i afërt me qeverinë për AFP, për të diskutuar "situatën e Sirisë dhe kaptagonin". Jordania në vitet e fundit ka goditur gjithashtu kontrabandën e armëve dhe drogës, duke përfshirë kaptagonin përgjatë kufirit të saj 375 kilometra (230 milje) me Sirinë
