Ford (F.N) po tërheq nga tregu 223,472 automjete në SHBA, për shkak të depozitave të karburantit që mund të kenë rrjed...
BOTA
Goditje rekord në Spanjë! Sekuestrohen 40 ton kokainë në Oqeanin Atlantik
PiranjatPërditësimi i fundit 4 Maj 2026, 16:09
Policia spanjolle ka sekuestruar një sasi rekord të dyshuar kokaine gjatë një operacioni të zhvilluar në Oqeanin Atlantik, pranë Ishujve Kanarie, duke shënuar një nga goditjet më të mëdha ndaj trafikut ndërkombëtar të drogës.
Operacioni është kryer nga Garda Civile e Spanjës, e cila ka ndaluar një anije në ujëra ndërkombëtare, ku janë arrestuar rreth 20 persona.
Sipas autoriteteve, në bord janë sekuestruar mes 35 dhe 40 ton kokainë, çka e klasifikon këtë rast si një “sekuestrim historik” në nivel kombëtar.
Anija, e cila aktualisht po inspektohet në Ishujt Kanarie, raportohet se ishte nisur nga Freetown i Sierra Leones me destinacion Bengazin në Libi. Hetuesit dyshojnë se droga ishte e destinuar të transferohej në anije më të vogla për shpërndarje në tregun evropian.
Spanja konsiderohet një nga pikat kryesore hyrëse të kokainës në Evropë, për shkak të lidhjeve të saj me Amerikën Latine dhe afërsisë me Marokun, një nga prodhuesit kryesorë të kanabisit.
Ky sekuestrim vjen pas disa operacioneve të mëparshme të mëdha. Në vitin 2024, autoritetet spanjolle kapën 13 ton kokainë në portin e Algeciras, ndërsa në janar të këtij viti u sekuestrua një tjetër ngarkesë prej gati 10 tonësh në det.
