Kreu i PD Sali Berisha është kthyer në Tiranë pas vizitës në SHBA, ku në një prononcim të shkurtër nga Rinasi ...
BOTA
Hodhi të dashurën nga shkëmbi në det, i riu shokon me deklaratën në gjyq: Universi komplotoi!
PiranjatPërditësimi i fundit 11 Dhjetor 2025, 11:31
I akuzuari për vrasjen e Garyfalia Psarrakou u shpall unanimisht fajtor nga Gjykata e Përzier me Juristë të Egjeut për vrasje me dashje në gjendje të qetë mendore.
Gjykata hodhi poshtë pretendimet e mbrojtjes për tronditje të menjëhershme emocionale dhe përgjegjësi të reduktuar.
Njëkohësisht, prokurori u shpreh kundër kërkesës së avokatëve të tij për t’i njohur rrethanat lehtësuese që lidhen me jetën e tij të mëparshme të rregullt dhe sjelljen e mirë pas kryerjes së veprës dhe gjatë kohës së ndalimit.
“I gjithë universi komplotoi që të ndodhte”
Në dëshminë e tij, i pandehuri për vrasjen e Garyfallia-s në korrik 2021 në Folegandros pretendoi për mungesë kujtese dhe çrregullim psikik në të cilin, sipas tij, ndodhej pak para ngjarjes së rëndë.
I pandehuri përshkroi me hollësi shfaqjen e simptomave psikotike ditët para vrasjes, duke thënë se një dron i përgjonte dhe se ndiente sikur “çonte zjarr brenda vetes”. Megjithatë, kujtesa e tij paraqet boshllëk pikërisht në momentet kyçe.
Kur makina “doli nga rruga”, deklaroi ai: “Nuk kuptova çfarë ndodhi” dhe “nuk mbaj mend” arsyen e devijimit të timonit. Menjëherë pas përplasjes, kujtesa e tij rikthehet: kujton Garyfallia-n të thërriste për “ndihmë” dhe përpjekjen e tij për ta nxjerrë të dashurën nga deti dhe për t’i dhënë ndihmën e parë. Por në asnjë rast nuk mban mend se si përfundoi Garyfallia në det.
Në pyetjen e prokurorit: “Çfarë mendoni se ndodhi në fund, vajza ra vetë nga shkëmbi?”, ai u përgjigj negativisht, duke thënë: “Besoj, ashtu siç thotë edhe Paulo Coelho në librin Alkimisti, se i gjithë universi komplotoi që të ndodhte”.
I pandehuri vuri në dyshim rrëfimin e tij fillestar (u tërbova dhe e vrava), duke pretenduar se u dha nën presion dhe në një gjendje ku “çfarëdo që t’i thoshin, do të përgjigjej po”, duke e karakterizuar atë si “rrëfimin e një njeriu në atë gjendje”.
Kryetari i gjykatës vuri në dukje se i pandehuri mban mend me saktësi ngjarjet para dhe pas, por jo vetë vrasjen. I pandehuri këmbënguli: “Nuk mund ta rikthej», duke shprehur pendesë dhe dhimbje për humbjen.
