Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
BOTA
Humbje të rënda të ushtrisë izraelite në Rafah, vriten katër ushtarë dhe shtatë u plagosën
E.DPërditësimi i fundit 11 Qershor 2024, 17:52
IZRAEL- Katër ushtarë izraelitë vdiqën nga një shpërthimet në një ndërtesë të minuar në Rafah në jug të Gazës, njoftoi ushtria izraelite dhe pesë ushtarë pësuan lëndime të rënda. Bëhet fjalë për Major Tal Pshebilski Shaulov, 24, nga Gedera, Rreshteri Eitan Karlsbrun, 20, nga Modiin, rreshteri Almog Shalom, 19, nga Hamadiya, rreshteri Yair Levin, 19, nga Givat Harel.
Të gjithë ata shërbyen në njësinë e zbulimit të brigadës Givati. Shalom dhe Levin ishin ende në stërvitje, dhe Shaulov ishte komandanti i kompanisë së tyre. Levin është nipi i ish-deputetit të Likud, Moshe Feiglin. Sipas hetimit fillestar të IDF-së, ushtarët hodhën eksploziv në një shtëpi të dyshimtë në lagjen Shaboura të Rafah, në përpjekje për të vendosur të gjitha kurthet e mundshme dhe hynë pasi nuk pati asnjë shpërthim të menjëhershëm.
Kur dy ushtarë kanë hyrë në ndërtesën trekatëshe, ajo ka shpërthyer duke bërë që një pjesë e saj të bjerë mbi disa prej ushtarëve. Brenda shtëpisë, IDF më vonë gjeti një bosht tuneli, që tregon se ndërtesa ndoshta i përkiste një operativi të Hamasit. Përveç katër ushtarëve të vrarë, shtatë të tjerë u plagosën, duke përfshirë pesë rëndë, sipas IDF. Vdekjet e tyre e çojnë në 299 numrin e ushtarëve të vrarë nga Izraeli që nga fillimi i agresionit kundër Gazës dhe në luftimet përgjatë kufirit.
