Një atmosferë e tensionuar dhe e mbushur me emocione ka pushtuar rrugët jashtë Dhomave të Specializuara në Hagë, ku po mbah...
BOTA
I përfshirë në skandal korrupsioni, pezullohet Ministri i Drejtësisë në Ukrainë
PiranjatPërditësimi i fundit 12 Nëntor 2025, 11:57
Ukrainën përveç problemit të luftës e kanë kapur edhe skandalet e korrupsionit. Ministri i drejtësisë, German Galushchenko, është pezulluar nga detyra për shkak të korrupsionit në sektorin e energjisë, i zbuluar nga Zyra e Prokurorit të Specializuar Kundër Korrupsionit.
Galushchenko ishte i përfshirë në një skemë korrupsioni prej 100 milionë dollarësh, të orkestruar nga Timur Mindich, një aleat i presidentit Volodymyr Zelenskyy, dhe se përfitoi personalisht nga kjo skemë.
Ministria konfirmoi se Galushchenko është subjekt i një hetimi aktiv, pa specifikuar nëse ky hetim ka lidhje direkte me rastin e korrupsionit në energji.
Kryeministrja Yulia Svyrydenko tha në një postim në rrjetet sociale se vendimi për pezullim u mor në një seancë urgjente qeveritare. Zëvendësministrja e drejtësisë për integrimin evropian, Lyudmila Suhak, është ngarkuar me detyrat e Galushchenkos në këtë periudhë.
Galushchenko pranoi vendimin e qeverisë, duke e cilësuar “një skenar të civilizuar dhe të përshtatshëm për kohëzgjatjen e hetimit”. Ai shtoi gjithashtu se do të mbrojë veten në arenën ligjore dhe do të vërtetojë qëndrimin e tij.
