Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
BOTA
Ishte destinuar për në Evropë, sekuestrohen katër ton kokainë në Amerikën e Jugut
E.DPërditësimi i fundit 17 Korrik 2024, 21:42
AMERIKA E JUGUT- Autoritetet në Paraguaj sekuestruan mbi 4 ton kokainë me një vlerë tregu prej rreth 240 milionë dollarë brenda një ngarkese sheqeri që ishte destinuar për në Belgjikë. Operacioni për ndalimin e kokainës i quajtur “Operation Sweetness” është më i madhi në historinë e vendit dhe u krye në portin detar të kryeqytetit Asuncion.
Agjencia antidrogë e vendit tha se pasi zbuloi një dërgesë të dyshimtë u koordinua me agjencitë e tjera qeveritare për të kryer kapjen e drogës, duke shtuar se aktualisht po inspektohen më shumë kontejnerë dhe se të gjitha procedurat hetimore janë fokusuar në strukturën kriminale që vuri në lëvizje logjistikën e duke mobilizuar ngarkesat kryesisht për kontinentin evropian. Një person është arrestuar, një shofer kamioni që dyshohet se e hodhi ngarkesën e drogës në portin detar sipas autoriteteve vendase, shkruan CNN.
“Në ditët e sotme, droga nuk largohet nga Paraguaj, droga është konfiskuar këtu në territorin tonë, dhe tani sfida e madhe është parandalimi i hyrjes së drogës në Paraguaj, është e qartë se vendi nuk është një prodhues kokaine. Unë mendoj se ky është një sinjal i dërguar grupeve të krimit të organizuar për të ndaluar përdorimin e Paraguait, sepse ata do të takohen me autoritetet që janë të vendosura," tha presidenti i Paraguajit Santiago Peña për mediat lokale pas kapjes së drogës.
