Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
BOTA
Izraeli përfundon fazën e parë të tërheqjes nga Gaza, Trump: Ka ‘konsensus’ për hapat e ardhshëm
PiranjatPërditësimi i fundit 11 Tetor 2025, 08:28
Ushtria izraelite ka njoftuar se ka përfunduar fazën e parë të tërheqjes së trupave nga Gaza, megjithëse gjysma e territorit mbetet ende nën pushtim të forcave izraelite. Ky është një hap i rëndësishëm në kuadër të procesit të armëpushimit që ka hyrë në fuqi mes Izraelit dhe Hamasit, pas dy vitesh luftë intensive.
Presidenti i SHBA-së, Donald Trump, ka komentuar zhvillimet dhe ka ndarë detaje për fazat e ardhshme të planit të tij për t’i dhënë fund luftës në Gaza. Trumpi shprehu besimin se armëpushimi do të "mbahet" dhe theksoi se "të gjithë janë të lodhur nga luftimet".
Kreu i Shtëpisë së Bardhë po ashtu ka bërë të ditur se Hamasi është duke mbledhur pengje nga disa zona të vështira, por siguroi se për shumicën e çështjeve ka një konsensus të gjerë për fazat e ardhshme të planit të tij. Sidoqoftë, ai pranoi se ende ka disa detaje që duhet të përpunohen.
Në një deklaratë tjetër, Trump shpjegoi se dy prej pikat kryesore të ngërçit janë çarmatimi i Hamasit dhe qeverisja e ardhshme e Gazës, çështje që janë ende në diskutim ndërkombëtar. Presidenti amerikan konfirmoi gjithashtu se do të takohet me shumë udhëheqës në Kajro të hënën për të diskutuar më tej të ardhmen e Gazës, megjithëse lista e pjesëmarrësve në këtë takim ende nuk është e qartë.
Para kësaj vizite, Trumpi pritet të udhëtojë në Izrael, ku do të mbajë një fjalim para Knessetit, parlamentit izraelit.
