Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
BOTA
Japonia paralajmëron për herë të parë: Një tërmet i madh do të godasë vendin, mund të jetë 9 ballë...
S.BPërditësimi i fundit 8 Gusht 2024, 21:37
foto ilustruese
JAPONI- Japonia ka lëshuar për herë të parë një paralajmërim për një rrezik në rritje të një "tërmeti të madh" që do të godasë vendin në të ardhmen e afërt. Paralajmërimi u lëshua të enjten mbrëma, duke u thënë njerëzve që të jenë vigjilentë, por jo të evakuohen.
Paralajmërimi nuk do të thotë se një tërmet i madh ishte i afërt, por se probabiliteti ishte më i lartë se zakonisht. Njoftimi erdhi disa orë pasi një tërmet me magnitudë 7.1 shkundi ishullin jugor të Kyushu, i cili raportohet se nuk shkaktoi dëme të mëdha.
Por ekspertët u vunë në gatishmëri të shtuar për shkak të vendit ku ndodhej epiqendra - në buzë të Nankai Trough, një zonë me aktivitet sizmik që shtrihet përgjatë bregut të Paqësorit të Japonisë. Tërmetet e mëparshme Nankai Trough kanë lënë mijëra të vdekur. Këto megatërmete janë regjistruar një herë në 90 deri në 200 vjet, me i fundit që ka ndodhur në vitin 1946.
Ekspertët thonë se ka një shans 70% deri në 80% që një tërmet me magnitudë 8 ose 9 ballë të godasë diku përgjatë luginës në 30 vitet e ardhshme, sipas agjencisë së lajmeve Kyodo. Vlerësimet e rastit më të keq sugjerojnë se më shumë se 200,000 njerëz mund të vriten nga tërmeti dhe cunami i mundshëm pasues.
Megjithatë, në një konferencë për shtyp të enjten, zyrtari i Agjencisë Meteorologjike Japoneze Shinya Tsukada theksoi se ndërsa "ekziston një shans relativisht më i lartë për një tjetër tërmet të madh në krahasim me kohën normale", ata nuk thanë se do të ndodhte patjetër "në një periudhë të caktuar kohore".
Zyrtarët u kanë thënë gjithashtu njerëzve të jenë të kujdesshëm, por të vazhdojnë jetën e tyre të përditshme, ndërsa kontrollojnë rrugët e evakuimit aty ku është e nevojshme dhe se familjet kanë furnizime të mjaftueshme.
