Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
"Ka një mënyrë për ta bërë këtë.../ Trump flet përsëri për një mandat të tretë presidencial në SHBA: Shumë njerëz duan që unë të kandidoj!
E.DPërditësimi i fundit 1 Prill 2025, 08:03
SHBA- Presidenti amerikan Donald Trump këmbënguli edhe një herë se shumë njerëz po i kërkojnë të kandidojë për një mandat të tretë në presidencën amerikane, diçka që Kushtetuta e SHBA e ndalon në mënyrë eksplicite, por që ai e ka shkelur vazhdimisht.
"Unë nuk e di. Nuk e kam menduar kurrë. Ata thonë se ka një mënyrë për ta bërë këtë, por unë nuk e di”, tha republikani në Shtëpinë e Bardhë.
I pyetur nga një gazetar se si do t'i shikonte një zgjedhje presidenciale hipotetike me kundërshtarë të tij dhe paraardhësin e tij demokrat Barack Obama, nëse do të kandidonte edhe për një mandat të tretë, Trump u përgjigj se do të ishte mirë.
Ndër të tjra Trump tha se nuk po bënte shaka për kandidimin për një mandat të tretë në presidencë. Presidenti republikan 78-vjeçar tashmë e riktheu këtë çështje në debatin publik gjatë një interviste që dha për NBC News. Donald Trump filloi mandatin e tij të dytë më 20 janar, pas të parit nga 2017 deri në 2021.
Presidenti i parë i SHBA, George Washington, vendosi rregullin e pashkruar fillimisht të dy mandateve në vitin 1797. Kjo traditë u shkrua në Kushtetutë pas Luftës së Dytë Botërore, me miratimin e Amendamentit të 22-të, të ratifikuar në 1951.
