Bordi i Transparencës ka vendosur sot (4 qershor) çmimet e reja për shitjen e karburanteve në treg.
Sipas njoftimit, nafta ësht&eu...
BOTA
Kaos në autostradat gjermane, Google Maps gabimisht i nxori të mbyllura
n.fPërditësimi i fundit 30 Maj 2025, 19:35
GJERMANI- Konfuzioni "mbretëroi" në autostradat dhe rrugët gjermane në fillim të një prej pushimeve më të ngarkuara të vitit pasi Google Maps tregoi gabimisht se një pjesë e madhe e tyre ishin të mbyllura.
Njerëzit që përdornin shërbimin e navigimit rreth qendrave të mëdha urbane si Frankfurti, Hamburgu dhe Berlini u përballën me harta dhe pika të kuqe që tregonin shenja ndalimi. Fenomeni preku edhe pjesë të Belgjikës dhe Holandës.
Ata që mbështeteshin në Google Maps kishin përshtypjen se pjesë të mëdha të Gjermanisë kishin ndaluar së funksionuari. Situata u përkeqësua nga fakti se një numër i madh gjermanësh ishin në rrugë në fillim të një pushimi katër-ditor për festën e Ngjitjes në Qiell.
Raportet e mbylljes çuan në bllokimin e rrugëve alternative në rrugët më të vogla dhe vonesa të gjata, ndërsa njerëzit nxituan të gjenin rrugë devijuese. Policia dhe autoritetet e kontrollit të trafikut rrugor u desh t'u përgjigjeshin një lumi pyetjesh, ndërsa njerëzit i kontaktonin për ndihmë.
Shoferët që përdornin ose kalonin në aplikacione alternative, të tilla si Apple Maps ose Waze, ose që shikonin lajmet e trafikut në radiot e tyre, morën një pamje krejtësisht të kundërt, duke reflektuar realitetin se trafiku po rrjedhte kryesisht lirshëm në rrugët me sa duket të prekura.
Disa spekuluan nëse kishte pasur ndonjë incident të madh terrorist, ndërsa të tjerë dyshuan për ndërhyrjen e një shteti të huaj në një sulm kibernetik. Shkaku i prishjes së navigimit dixhital është ende i paqartë.
Një zëdhënës i Google i tha medias gjermane se po shqyrtonte informacionin duke u përpjekur të përcaktonte se çfarë kishte ndodhur. Ai tha se pasi përdoruesit njoftuan për parregullsitë, të cilët janë në gjendje të raportojnë gabime të dyshuara, shërbimi filloi të kontrollonte dhe të hiqte tabelat e gabuara të mbylljes.
