Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
BOTA
Volkswagen do të bëjë investime 'masive' në SHBA në përpjekje për të shmangur tarifat e Trump
n.fPërditësimi i fundit 30 Maj 2025, 17:21
SHBA- Volkswagen, grupi më i madh industrial i Evropës, ka bërë me dije se do të bëjë një investim “masive” në SHBA. Grupi, i cili përfshin Porsche, zbuloi se ka qenë në bisedime të drejtpërdrejta me administratën e Donald Trump, ndërsa përballet me tarifa dëmtuese.
Oliver Blume, i cili kryeson grupin, tha se bisedimet ishin konstruktive dhe të drejta. Duke folur për Süddeutsche Zeitung, Blume tha se kishte qenë vetë në Uashington dhe kishte një linjë të drejtpërdrejtë me sekretarin amerikan të tregtisë, Howard Lutnick, por kishte rënë dakord të mbante konfidenciale detajet e bisedimeve.
Ai shpresonte që planet për investime të konsiderueshme do të ndihmonin në formësimin e vendimit përfundimtar të Trump mbi tarifat prej 25% që SHBA-të vendosën mbi importet e automjeteve në prill.
“Kontakti ynë kryesor është sekretari i tregtisë i SHBA-së, por në fund të fundit, çështjet kalojnë edhe nëpër tavolinën e presidentit të SHBA-së”, tha ai.
Intervista e tij vjen përpara raundit të fundit të bisedimeve midis BE-së dhe SHBA-së, me Maros Sefcovic, komisioneri i BE-së për tregtinë, që pritet të takohet me Lutnick në margjinat e një takimi të këshillit të OECD-së në Paris të martën.
Ekziston një pritje e përhapur se, pavarësisht rezultatit të bisedimeve, një tarifë bazë prej rreth 10% ndoshta do të zgjasë përtej datës së skadimit të pauzës 90-ditore të Trump në korrik. Blume tha se po fliste me Uashingtonin në emër të Volkswagen, por gjithmonë kishte vëmendjen te zgjidhjet që mund të zbatohen universalisht.
Ai tha se Grupi Volkswagen ka ndërmend të vazhdojë të investojë në SHBA dhe do të ndërtojë mbi partneritetin e tij me prodhuesin amerikan të automjeteve elektrike Rivian me “investime të mëtejshme masive”.
Tarifat e Trump mbi importet e makinave do ta godasin veçanërisht rëndë Porsche-n, pasi - ndryshe nga modelet VW dhe homologët gjermanë BMW dhe Mercedes-Benz - makinat Porsche të shitura në SHBA prodhohen pothuajse ekskluzivisht në Gjermani.
Dështimi i sektorit gjerman të automobilave për të parashikuar sulmin e konkurrencës nga Kina shihet si një simptomë e një gjendjeje më të gjerë në sektor, me Volkwagen që planifikon të shkurtojë 35,000 vende pune deri në vitin 2030. Në mars, kompania zbuloi një rënie prej 30% të fitimeve neto nga viti në vit për shkak të kostove të larta të prodhimit dhe rënies së shitjeve në Kinë.
