Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Khamenei i Iranit kritikon Izraelin për vrasjen e Nasrallahut të Hezbollahut: Do të pendohen
I.APërditësimi i fundit 28 Shtator 2024, 16:20
IRAN- Udhëheqësi suprem i Iranit Ayatollah Ali Khamenei u ka bërë thirrje myslimanëve në mbarë botën që të bashkohen dhe të qëndrojnë pranë popullit të Libanit dhe Hezbollahut krenar, pas raportimeve për vrasjen e liderit të grupit libanez Hassan Nasrallah në një sulm ajror izraelit të premten. Në një deklaratë të lëshuar të shtunën pas pretendimit të Izraelit për vrasjen e Nasrallah, Khamenei e përshkroi politikën e Izraelit si "shkurtërpamës" dhe i quajti sulmet vdekjeprurëse në Liban "kriminale".
"Kriminelët sionistë duhet të dinë se janë shumë të dobët për të qenë në gjendje të shkaktojnë ndonjë dëm të konsiderueshëm në strukturën e fortë të Hezbollahut të Libanit. Masakra e popullit të pambrojtur në Liban edhe një herë … vërtetoi politikën dritëshkurtër dhe budallaqe të liderëve të regjimit uzurpues”, tha ai në një deklaratë.
Udhëheqësi i Iranit nuk e përmendi fatin e Nasrallah, por një deklaratë nga Hezbollah më vonë të shtunën konfirmoi vdekjen e Nasrallah. Khamenei nuk bëri thirrje për hakmarrje dhe në vend të kësaj deklaroi se Izraeli do të pendohej për veprimet e tij.
“Fati i këtij rajoni do të përcaktohet nga forcat e rezistencës, me Hezbollahun në ballë”, shtoi ai pa thënë se çfarë hapash do të ndërmarrë Irani më pas.
Sipas raportimeve, Khamenei bëri thirrje për një takim urgjent sigurie të shtunën për të diskutuar zhvillimet e fundit në Liban. Hezbollahu është një aleat i ngushtë i Iranit dhe vdekja e Nasrallah është një goditje e madhe për ndikimin iranian në rajon, thonë analistët.
Tohid Asadi, një ekspert i studimeve amerikane në Universitetin e Teheranit, i tha Al Jazeera se deklarata e Khameneit "është një shenjë e qartë solidariteti" ndaj Hezbollahut dhe luftës për kauzën palestineze kundër Izraelit.
