Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
BOTA
Kina u kundërpërgjigjet tarifave të Trump/ Vendos taksë 34% për importet e mallrave amerikane
E.DPërditësimi i fundit 4 Prill 2025, 13:00
KINË- Një tarifë shtesë prej 34% për produktet amerikane është shpallur nga Kina në përgjigje të luftës tregtare të shpallur nga Donald Trump. Masa do të hyjë në fuqi nga 10 prilli. Sipas Ministrisë së Financave të Kinës, tarifat e SHBA për mallrat kineze janë në kundërshtim me rregullat e tregtisë ndërkombëtare.
"Kjo praktikë e SHBA është në kundërshtim me rregullat e tregtisë ndërkombëtare, minon seriozisht të drejtat dhe interesat legjitime të Kinës dhe është një praktikë tipike e njëanshme e frikësimit," tha ministria kineze në një deklaratë.
Presidenti i SHBA Donald Trump njoftoi tarifa 54% ndaj Pekinit, të cilat përfshijnë tarifa të mëparshme tashmë të vendosura, duke e bërë Kinën një nga vendet më të goditura në listën tarifore të SHBA.
Menjëherë pas njoftimit të hakmarrjes kineze, tregjet financiare të Europës regjistruan një rënie të re. Në Londër, indeksi FTSE 100 ka humbur tani 313 pikë, ose 3.7%, që nga hapja e tregtisë në 8,173 pikë, duke shënuar rënien e tij më të madhe njëditore që nga marsi 2023.
Ndërkohë indeksi Stoxx 600 i 600 kompanive më të mëdha të Evropës tani është ulur 4.4% dhe DAX i Gjermanisë është 5%. Një rënie e madhe pritet edhe në Nju Jork, ku tregtimi do të nisë në më pak se tre orë.
