Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
BOTA
Konflikti me Rusinë, Volodymyr Zelensky zëvendëson kreun e ushtrisë së Ukrainës
E.DPërditësimi i fundit 16 Mars 2025, 18:12
UKRAINË- Presidenti ukrainas Volodymyr Zelenskyy ka zëvendësuar kreun e ushtrisë ukrainase, sipas ministrit të mbrojtjes të vendit. Andrii Hnatov do të shërbejë tani si shefi i ri i shtabit të përgjithshëm të forcave të armatosura të Ukrainës, duke zëvendësuar Anatoliy Bargylevych, i cili mori këtë rol vetëm në shkurt të vitit të kaluar.
“Ne po transformojmë në mënyrë sistematike Forcat e Armatosura të Ukrainës për të rritur efektivitetin e tyre luftarak. Kjo përfshin ristrukturimin e sistemit të komandës dhe zbatimin e standardeve të qarta”, tha ministri i mbrojtjes Rustem Umerov, duke njoftuar ndryshimin.
Ai këmbënguli se Bargylevych ishte ende “pjesë e ekipit”, duke shtuar se tani i është ngarkuar “reformimi i inspektoratit kryesor”.
“Misioni i tij është të sigurojë përputhjen me standardet ushtarake dhe të forcojë disiplinën brenda forcave të armatosura”, shton ai.
Gjatë një takimi me anëtarët e përhershëm të Këshillit të Sigurisë Ruse, Presidenti Vladimir Putin siguroi ushtarët ukrainas në rajonin e Kurskut për trajtim njerëzor dhe siguri nëse vendosin të dorëzojnë armët dhe të dorëzohen. Megjithatë, ai theksoi se një vendim i tillë do të kërkonte një urdhër përkatës nga udhëheqja ushtarake dhe politike në Kiev.
