Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
BOTA
Tragjedia në Koçan/ Ministria e Shëndetësisë e RMV: Po organizojmë transport ajror për personat e lënduar më rëndë, do të dërgohen për mjekim jashtë vendit
r.llPërditësimi i fundit 16 Mars 2025, 15:49
foto ilustruese
SHKUP- Ministria e Shëndetësisë ka bërë me dije se aktualisht po organizohet transport ajror për personat që mbetën të lënduar më rëndë nga zjarri në klubin e natës në Koçan.
Bëhet me dije se pesë pacientë do të dërgohen për trajtim në Bullgari, dy prej të cilëve janë nga Klinika e Kirurgjisë “Shën Naumi i Ohrit” dhe tre nga TOARILUC(Klinika Universitare e Traumatologjisë, e Sëmundjeve Ortopedike, e Anestezisë, e Reanimacionit, e Mjekimit Intenziv dhe e Qendrës Urgjente).
Në Turqi do të dërgohen për trajtim tre pacientë nga TOARILUC dhe gjashtë nga Spitali i Përgjithshëm “8 Shtatori”. Po ashtu, për në Greqi, me mjete të IMT-së, janë transportuar tre pacientë nga TOARILUC. Me mjete të IMT-së do të transportohen gjithashtu pesë pacientë për në Bullgari dhe pesë për në Serbi.
Të paktën 59 persona kanë humbur jetën nga tragjedia në Koçan nga zjarri që shpërtheu gjatë një koncerti të një grupi të famshëm maqedonas dhe 155 të tjerë kanë mbetur të plagosur. Qeveria maqedonase ka caktuar shtatë ditë zie kombëtare për shkak të ngjarjes tronditëse. Raportohet se vendimi do të shpallet zyrtarisht në Parlament në seancën e sotme të jashtëzakonshme që do të mbahet pasdite. Qeveria përmes një njoftimi thotë se do të merret vendim edhe për inspektim urgjent dhe të jashtëzakonshëm në të gjitha lokalet e natës, diskotekat dhe restorantet që organizojnë festa.
