Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
BOTA
Kosova bëhet anëtare e Koalicionit të Deminimit për Ukrainën, Maqedonci: Një hap të rëndësishëm në përfaqësimin dhe rolin tonë në sigurinë globale
n.fPërditësimi i fundit 13 Qershor 2024, 14:14
Nenshkrimi i marreveshjes
KOSOVË- Ministri i Mbrojtjes në Qeverinë e Republikës së Kosovës, Ejup Maqedonci, ka nënshkruar marrëveshjen e përbashkët me homologun e tij të Lituanisë, Laurynas Kasciunas, sipas të cilës Kosova është zyrtarisht pjesë e Koalicionit të Deminimit për Ukrainën.
Përmes një postimi në "Facebook", Maqedonci tha se Kosova bëri një hap të rëndësishëm në përfaqësimin dhe rolin e saj në sigurinë globale. Ai njoftoi se ky koalicion ka për qëllim ofrimin e mbështetjes për Ukrainën përmes ofrimit të trajnimit në fushën e deminimit. Ministri Maqedonci u shpreh se Kosova do të vazhdojë të qëndrojë krah Ukrainës.
“Sot në Bruksel me Ministrin e Mbrojtjes të Lituanisë, Laurynas Kasciunas, nënshkruam marrëveshjen e përbashkët sipas të cilës Kosova edhe zyrtarisht është pjesë e Koalicionit të Deminimit për Ukrainën, duke u bërë kësisoj shteti i 17-të anëtar i këtij koalicioni që ka për qëllim ofrimin e mbështetjes për Ukrainën përmes ofrimit të trajnimit në fushën e deminimit, zotim ky që e kemi dhënë si pjesë e Grupit të Kontaktit për Ukrainën, e që është një hap tjetër i ndërmarr nga ana e Kosovës për popullin ukrainas pasi veçse tanimë kemi dorëzuar dy pako mbështetëse ushtarake. Ushtarët tanë do të rreshtohen përkrah partnerëve tanë në këtë front global demokratik kundër agresionit dhe dhunës!”, shkroi ai.
