Këngëtari Alban Skënderaj ka reaguar me një mesazh të gjatë në rrjetet sociale, ku shpreh mbështetjen e tij për p...
BOTA
Kryeministri i Spanjës: Ligji i dënimit me vdekje për palestinezët nga Izraeli, hap drejt aparteidit
PiranjatPërditësimi i fundit 31 Mars 2026, 21:54
Kryeministri i Spanjës, Pedro Sánchez, ka dënuar si një “hapi drejt apartheidit” miratimin të hënën nga parlamenti izraelit të një ligji që parashikon dënimin me vdekje për palestinezët të shpallur fajtor për sulme me pasoja fatale nga gjykatat ushtarake.
“Është një masë asimetrike që nuk do të aplikohet ndaj izraelitëve që kryejnë të njëjtat krime.
E njëjta vepër penale, dënim i ndryshëm. Është një hap tjetër drejt apartheidit. Bota nuk mund të qëndrojë e heshtur,” shkroi Sánchez, një nga mbështetësit më të zëshëm të palestinezëve mes udhëheqësve perëndimorë, në X të martën.
Tensionet diplomatike mes Spanjës dhe Izraelit thellohen pas ligjit për dënimin me vdekje të palestinezëve Apartheid ishte sistemi i ndarjes racore që zbatohej nga qeveritë e pakicës së bardhë në Afrikës së Jugut gjatë gjysmës së dytë të shekullit të kaluar. Kritikët e ligjit të ri izraelit thonë se formulimi i tij praktikisht kufizon personat që mund të dënohen me vdekje vetëm tek anëtarët e pakicës arabe të vendit, që përbën rreth 20% të popullsisë, shumë prej të cilëve identifikohen si palestinezë, dhe jo tek qytetarët hebrenj.
Më parë, Komisioni Evropian e kishte konsideruar ligjin “shumë shqetësues” dhe një “hap të qartë prapa” sa i përket përkushtimit të Izraelit ndaj parimeve demokratike. Izraeli e ka hequr dënimin me vdekje për vrasje në vitin 1954. Personi i vetëm që është ekzekutuar në Izrael pas një gjyqi civil ishte Adolf Eichmann, një nga arkitektët e Holokaustit nazist, në vitin 1962. /PiranjatNews/
