Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Lajçak: Propozimi ynë është që Kosova të nisë me Asociacionin! Serbia më pas të njohë dokumentet e simbolet
n.fPërditësimi i fundit 18 Qershor 2024, 14:56
Lajcak
KOSOVË- Emisari sllovak për dialogun Kosovë-Serbi, Miroslav Lajcak ditwn e sotme do të takohet martën në Kosovë me zëvendëskryeministrin e Kosovës, Besnik Bislimin. Lajçak folur edhe për planin dhe propozimin e BE-së për atë se si duhet të zbatohet marrëveshja për Rrugën Drejt Normalizimit.
Në një intervistë për Kosovo Online, Lajcak ka thënë se parimi që BE-ja mendon se duhet ndjekur është një qasje e koordinuar hap pas hapi, ku të dy palët marrin diçka për të bërë diçka në këmbim.
Lajçak shtoi se se propozimi i BE-së për këtë zbatim paralel është që Kosova të nis e para me themelimin e Asociacionit të Komunave me Shumicë Serbe dhe më pas Serbia të vazhdojë me njohjen e dokumenteve, institucioneve dhe simboleve të Kosovës.
“Parimi që duhet ndjekur, për mendimin tonë, është një qasje e koordinuar hap pas hapi, ku të dyja palët marrin diçka për të bërë diçka – një qasje që do t’u siguronte të dyja palëve garanci të mjaftueshme se veprimet e dakorduara janë ndërmarrë. Kjo do të thotë se palët do të zbatonin atë që është në marrëveshje paralelisht – dhe propozimi ynë i fundit është që Kosova të fillojë procesin e themelimit të Asociacionit/Bashkësisë së komunave me shumicë serbe dhe që Serbia të fillojë zbatimin e obligimit për njohjen e Kosovës dokumente, institucione dhe simbole”, tha Lajcak.
Emisari sllovak ka thënë se pret që vazhdimi i negociatave të jetë shumë i vështirë meqë palët kanë qëndrime ende të ndara sa i përket zbatimit dhe se të dyjat kanë vendosur parakushte
“Unë pres që negociatat të vazhdojnë në javët e ardhshme – dhe është e qartë se ato nuk do të jenë të lehta duke pasur parasysh se pikëpamjet e palëve se si duhet të duket procesi i zbatimit janë ende shumë të ndara dhe se të dyja kanë vendosur deri më tani parakushte të njëanshme dhe rezervat për zbatimin e detyrimeve të tyre”, shtoi ai.
