Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
BOTA
"Le Figaro": Macron është nën presion për të anuluar pjesmarrjen në samitin e NATO-s, frikësohen se e majta do të përfitojë nga mungesa e tij për vendosur kryeministrin
n.fPërditësimi i fundit 9 Korrik 2024, 16:03
Macron
FRANCË- Presidenti francez, Emmanuel Macron është nën presion të madh për të anuluar udhëtimin e tij në një samit të NATO-s pasi ndihmësit e afërt kanë frikë se e majta do të përfitojë nga mungesa e kreut të shtetit për të përshpejtuar bisedimet e saj dhe për të vendosur kryeministrin e vet në Matignon (rezidenca e kryeministrit).
Sipas informacioneve të gazetës franceze "Le Figaro", Macron do të udhëtojë nesër në mëngjes me aeroplanin presidencial me destinacion Uashingtonin, teksa sot nis samitit të Aleancës së Atlantikut të Veriut. Megjithatë, disa zyrtarë qeveritarë dhe aleatë të kreut të shtetit francez kanë shprehur shqetësimin për mungesën 48-orëshe të presidentit në Elysee, pasi negociatat po zhvillohen në të gjitha drejtimet për formimin e qeverisë së ardhshme.
"Deri në fund të javës e majta do të bie dakord për emrin e një kryeministri, prandaj duhet të organizohemi në çdo drejtim. Por nëse presidenti shkon në SHBA për dy ditë, nga ana jonë nuk do të ndodhë asgjë”, frikësohet një nga ministrat e tij, në kushte anonimiteti, duke theksuar nevojën për një negocim të shpejtë për të arritur një koalicion.
Deri në fund të javës, partitë që përbëjnë Frontin e Ri Popullor duhet të kishin lënë mënjanë mosmarrëveshjet për të paraqitur një kandidat të vetëm për kryeministër, ndërkohë që presidenti francez nuk pritet të hyjë në negociata thelbësore përpara datës 18 korrik, kur Asambleja Kombëtare do të takohet me përbërjen e re.
Dje, Macron i kërkoi Gabriel Atalit që të qëndrojë si kryeministër për aq kohë sa të jetë e nevojshme, me një sy edhe tek Lojërat Olimpike të Parisit, të cilat fillojnë pas rreth 2 javësh. Presidenti francez mund të shpresojë për një qeveri të tijën me mbështetjen e socialistëve, ambientalistëve dhe partive të tjera të Frontit Popullor, përveç Francës së Pabindur të Mélenchon-it, nëse ka edhe iniciativat e lëvizjeve. Edhe pse një skenar i tillë do të ishte i rrezikshëm për partitë që bashkëpunuan me Macron.
Duke dëgjuar shqetësimet nga kampi i tij, ai me të vërtetë po vë në dyshim idenë e anulimit të udhëtimit të tij në Shtetet e Bashkuara.
“Nuk ka asnjë pengesë. Nuk është në mendjen e tij të mos shkojë në NATO”, thotë ambienti i presidentit francez, sipas informacioneve të gazetës Le Figaro.
Megjithatë, duke shkuar në Uashington për tre 24 orë, kur çdo ditë vlen, e majta do të mund të arrijë një marrëveshje për emrin e kryeministrit. Nëse ia del, presioni do të jetë shumë i fortë për kthimin e tij”, paralajmëron ministri i paidentifikuar, duke shtuar se presidenti francez nuk e kupton rrezikun e një marrëveshjeje brenda Frontit Popullor të majtë.
"Nëse do të isha i majtë, atëherë do të organizoja një demonstratë përpara Elysees duke tundur çelësat," thekson ai.
