Plagoset me thikë një person në Tiranë. Mësohet se i plagosur ka mbetur shtetasi i identifikuar si Dritan Aga.
Ngjarja ka ndodhur n&...
BOTA
Leyen: Miratimi i paketës së 20-të të sanksioneve kundër Rusisë është çështje kohe
PiranjatPërditësimi i fundit 25 Shkurt 2026, 08:30
Presidentja e Komisionit Evropian, Ursula von der Leyen, ka shprehur besimin se Bashkimi Evropian (BE) herët a vonë do të miratojë paketën e 20-të të sanksioneve kundër Rusisë.
Leyen e bëri këtë deklaratë në një konferencë të përbashkët për shtyp me Presidentin ukrainas Volodymyr Zelensky në Kiev.
“Sanksionet duhet të miratohen unanimisht dhe sigurisht ky parim nuk do të ndryshojë. Ne punuam me mjaft sukses në paketën e 19-të të sanksioneve. Asnjë nga këto procese nuk ka qenë i thjeshtë, por bazuar në përvojën e paketës së mëparshme, jam i bindur se do të miratojmë edhe paketën e 20-të”, tha Von der Leyen.
Duhet theksuar se paketa e re do të përfshijë një ndalim të plotë të transportit të naftës ruse nga deti, forcimin e kufizimeve të eksportit, zgjerimin e sanksioneve kundër flotës në hije me 43 anije dhe masa kundër shmangies së sanksioneve.
BE-ja gjithashtu planifikon të vendosë kufizime në eksportin e pajisjeve dhe shërbimeve me vlerë më shumë se 360 milionë euro, të bllokojë një numër bankash në vende të treta nga pjesëmarrja në tregtinë e paligjshme të mallrave të sanksionuara dhe të marrë masa kundër kriptovalutave.
