Një incident ka ndodhur ambientet e Komisariatit të Policisë së Sarandës rreth orës 01:30 të së martë...
BOTA
Lindja e Mesme jashtë kontrollit: Breshëri sulmesh - Qiproja në gatishmëri, paralajmërimi i Trump
PiranjatPërditësimi i fundit 2 Mars 2026, 18:26
Situata në Lindjen e Mesme po kalon në një fazë të re dhe të rrezikshme përshkallëzimi, ndërsa aktorë të rinj po përfshihen në konflikt, duke rritur frikën për një përplasje të përgjithësuar rajonale. Deri tani nuk ka sinjale për gatishmëri diplomatike nga palët ndërluftuese.
Presidenti amerikan Donald Trump nuk e përjashtoi mundësinë e dërgimit të trupave tokësore amerikane në Iran, nëse situata e kërkon. Në një deklaratë për The New York Times, ai tha se “Operacioni Epic Fury është shumë përpara afatit”, duke pretenduar se dhjetëra zyrtarë të lartë të Teheranit janë neutralizuar.
“Nuk kam asnjë shqetësim për trupat në terren. Shumë presidentë thonë ‘nuk do të ketë forca tokësore’, por unë nuk po e them këtë. Po them ndoshta nuk do të nevojiten, ose nëse nevojiten, do të dërgohen”, u shpreh Trump, duke lënë të hapur skenarin e një ndërhyrjeje direkte tokësore.
Në ditën e tretë të luftimeve, Irani intensifikoi sulmet në disa fronte. Sipas raportimeve, janë ndërmarrë goditje me raketa drejt pozicioneve të Hezbollah në Bejrut, ndërsa bombardimet ndaj Teheranit kanë vijuar paralelisht.
Tensione të reja u raportuan edhe në Qipro, ku gjatë mesnatës së së dielës u njoftua për një sulm me dronë ndaj bazës ajrore britanike në Akrotiri. Një gjeneral iranian paralajmëroi se ishulli mund të bëhet objektiv nëse forcat amerikane nuk tërhiqen.
Ndërkohë, një incident i rëndë u shënua në Kuvajt, ku sipas raportimeve, u rrëzua aksidentalisht një avion luftarak amerikan F-15.
Irani ka nisur gjithashtu valë sulmesh ndaj Izrael, ndërsa raportohen goditje apo tentativa sulmesh edhe në Katar, Bahrein, Jordan, Oman, Arabia Saudite dhe Emiratet e Bashkuara Arabe.
Me përfshirjen e gjithnjë e më shumë vendeve dhe aktorëve ushtarakë, frika për një luftë të hapur rajonale po rritet ndjeshëm, ndërsa komuniteti ndërkombëtar po bën thirrje për përmbajtje dhe rikthim në tryezën e negociatave./PiranjatNews/
Vazhdimi i konfliktit me Iranin paraqet rreziqe serioze në nivel rajonal dhe global, paralajmëroi presidenti turk, Tayyip Erdogan, duke folur para an&...
